අධ්‍යාපන අමාත්‍යාංශය මගින් මෙහෙයවනු ලබන ජාතික පාසල් ක්‍රීඩා උලෙලේ ගම්පහ කොට්ටාස වොලිබෝල් තරග මාලාවේ වයස අවුරුදු 16 න් පහළ බාලක වොලිබෝල් ශූරතාව දිනාගැනීමට ගම්පහ, හෙනරත්ගොඩ කැප්පෙටිපොල ජාතික පාසල සමත් විය. ඔවුන් එම ජයග්‍රහණය ලැබුවේ වසර 57 කට පසුව වීම කැපී පෙනෙන සිදුවීමක් විය.
විදුහල්පතිනි සමන්තා මුණසිංහ මහත්මියගේ මඟ පෙන්වීම යටතේ ක්‍රියාත්මක වන කැප්පෙටිපොල ජාතික පාසලේ වොලිබෝල් සංචිතය, ක්‍රීඩා උපදේශිකා ඉෂානි ගමගේ සහ සරණි කරුණානායක මහත්මියන්ගේ අධීක්ෂණය යටතේ සහ ශ්‍රී ලංකා ජාතික කාන්තා වොලිබෝල් කණ්ඩායමේ හිටපු නායිකා නයනා අනුපමා මහත්මියගේ පුහුණුකාරීත්වය යටතේ මෙම තරගාවලියට සහභාගි විය.
චමිඳු මිහිරංග නායකත්වය දරන කැප්පෙටිපොල ජාතික පාසල් වොලිබෝල් වයස 16 ක් පහළ වොලිබෝල් කණ්ඩායමට දනුජ දින්සර, දසුන් සත්සර, බිනර සිතුම්, ආදිත්‍ය තේජාන්, රුවින් තෂ්මිණ, ගිම්සර රසිදු, දනුක ප්‍රවේදිත, හිමාෂ නවෝද්, ආකාශ් සංකල්ප, තරිදු ධනංජය සහ ෂෙහාන් විනෝත් යන සිසුහු ක්‍රීඩා කරති.
- 036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
