දේශීය ජන ක්‍රීඩාවක් වන ‘තාච්චි පැනීම’ නැවත සමාජ ගත කිරීමේ උත්සාහක් ලෙස වසර 2022 දී තාච්චි පැනීමෙ ජාතික තරගාවලියක් පැවැත්වීමට කටයුතු යොදා තිබේ.
දිස්ත්‍රික් හා කලාප 25ක කණ්ඩායම් සූදානම් කර ගනිමින් තරගාවලිය සංවිධානය කෙරෙන බව ශ්‍රී ලංකා ජාතික ජන ක්‍රීඩා සංසදයේ ලේකම්, ක්‍රීඩා ග්‍රන්ථ රචක ඩබ්.එම්. අතුල විජේනායක මහතා පවසයි.
පළමුව තාච්චි පැනීමේ ක්‍රිඩාව පිළිබඳව පුහුණු වැඩ සටහන් මාලාවක් සංවිධානය කෙරේ. පාසල් ක්‍රීඩා ගුරුවරුන් හා පුහුණුකරුවන්ට දැනුම ලබාදීම සඳහා පාසල් තුළදී පුහුණු වැඩ සටහන් පැවැත්වීම, අන්තර් පාසල් තාච්චි පැනීමේ තරගාවලි සංවිධානයද ඒ අතරින් ප්‍රමුඛ වේ.
විජේනායක මහතා වැඩිදුරටත් පවසන්නේ මෙම ජනක්‍රීඩාව ආශ්‍රිතව නිර්මාණය කෙරෙන නූතන තාච්චි පැනීමේ ක්‍රීඩාව ආසියානු රටවල් කීපයකට හඳුන්වාදීම සඳහා ජාත්‍යන්තර තරගාවලියක් ද සංවිධානය කිරීමට ශ්‍රී ලංකා ජාතික ජන ක්‍රීඩා සංසදය ඉදිරියේදී කටයුතු කරන බවයි.
අත්නගල්ල රජමහ විහාරාධිපති ඇමරිකාවේ හූස්ටන් බෞද්ධ විහාරාධිපති හා තායිවානයේ ථෙරවාදී බෞද්ධ විහාරාධිපති ආචාර්ය පන්නිල ශ්‍රී ආනන්ද නාහිමිපාණන් වහන්සේ ජන ක්‍රීඩා සංසදයේ වත්මන් සභාපතිවරයා ලෙස කටයුතු කරති.
- 223
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
