ඇලවීෂියස් විදුහලට මුල් ඉනිමේ ජයක්

ගාල්ල ශාන්ත ඇලවීෂියස් විදුහල සහ මොරටුව ශාන්ත සෙබස්තියන් විදුහල් ‘බී’ කණ්ඩායම  අතර ඇලවීෂියස් විදුහල් ක‍්‍රීඩාංගනයේදී පැවති දෙවන කොටසේ වයස අවුරුදු 13 පහළ ක‍්‍රිකට් තරගයේදී  ගාල්ල ශාන්ත ඇලවීෂියස් විදුහල පළමු ඉනිමේ ජය වාර්තා කිරීමට සමත්විය.

ගාල්ල ශාන්ත ඇලවීෂියස් විදුහලේ පිතිකරු ලැයිස්තුවේ අංක 5 ස්ථානයේ කී‍්‍රඩාකරන මිතුන් නිශාක නොදැවී ලකුණු 61 ලබාගැනීමට සමත්වීම තරගයේ මුල් ඉනිමේ ජය වාර්තා කිරීමට මුල්විය.තරගයේ කාසියේ වාසිය දිනූ ඇලවීෂියස්විදුහල පළමුව පන්දු රැකීමට තීරණය කළේය.

ශාන්ත සෙබස්තියන් විදුහල් ‘බී’ - පළමු ඉනිම  ඕවර 53.2 කදී 124 යි.
(බිශේන් පෙරේරා 24,කනුශ්ක ලක්ශාන් 22, නිදුක් අභිශේක් 23/3,ශානුක නිකේෂල 37/3,දුල්මින දසුන් 04/2)

ගාල්ල ශාන්ත ඇලවීෂියස් විදුහල පළමු ඉනිම  ඕවර 43.4 කදී කඩුලූ 7 ට 150 යි
(මිතුන් නිශාක නොදැවී 61, භාෂන ද සිල්වා 34, සන්දීප සමෝද් 32,කෞෂල් පීරිස් 35/3, කනුශ්ක ලක්ශාන් 45/3)