ඉෂාර මාරිස්ටෙලා විදුහලට ජයගෙනෙයි

‘සිංගර් කුසලාන’ වයස 15න් පහළ ක්‍රිකට් තරගාවලියේ III කොටසේ පැවැති තරගයකදී, කැළණිය ශ්‍රී ධර්මාලෝක විද්‍යාලයට එරෙහිව ඉනිමක සහ ලකුණු 44ක ජයක් ලැබීමට මීගමුව මාරිස්ටෙලා විද්‍යාලය පෙරේදා (4) සමත් විය. මෙම තරගය ගොඩිගමුව එම්.ඩී ක්‍රීඩාංගණයේදී පැවැත්විණි.

දක්ෂ පන්දු යැවීමක නිරත වූ මාරිස්ටෙලා විද්‍යාලයේ ඉෂාර සූරියබණ්ඩාර පළමු ඉනිමේදී ලකුණු 6 කට කඩුලු 4ක් සහ දෙවැනි ඉනිමේදී ලකුණු 4 කට කඩුලු 4ක් සමගින් ඉනිම් දෙකේදී ලකුණු 10 කට කඩුලු 8ක් බිඳ හෙළීය.

ශ්‍රී ධර්මාලෝක විද්‍යාල පළමු ඉනිම - ඕවර 38.5 කදී සියලු දෙනා දැවී ලකුණු 86
(ඉෂාර සූරියබණ්ඩාර 06/4, කවිත කුමාරප්පෙලි 29/4 )

මාරිස්ටෙලා විද්‍යාල පළමු ඉනිම - ඕවර 23.4 කදී කඩුලු 6ක ට ලකුණු 182
(හිමාල් පෙරේරා 62, මිතූෂ මිතුකුඩ 60, කවිත කුමාරප්පෙලි 24, ඉනුක යසන්ජිත් 35/3 )

ශ්‍රී ධර්මාලෝක විද්‍යාල දෙවැනි ඉනිම - ඕවර 27.5 කදී සියලු දෙනා දැවී ලකුණු 52
(ඉෂාර සූරියබණ්ඩාර 04/4, ඉමාල් පෙරේරා 18/3, අකලංක ප්‍රනාන්දු 07/2 )