ඉසිපතන ‘බී’ පිල ඉනිමකින් ජයගනි

කැලණිය ශාන්ත ෆ්‍රැන්සිස් මහ විදුහල සහ ඉසිපතන විදුහල් ‘බී’ කණ්ඩායම අතර පොල්හේන ක්‍රීඩාංගණයේදී පැවැති අන්තර් පාසල් වයස 13 න් පහළ ‘සිංගර් කුසලාන’ ක්‍රිකට් තරගාවලියේ II කොටසේ තරගයෙන් ඉනිමක සහ ලකුණු 21 ක ජයක් අත්කර ගැනීමට ඉසිපතන විදුහල් ‘බී’ කණ්ඩායම සමත් විය.

එහිදී අකිල නන්දිත ලකුණු 19 කට කඩුලු 6 ක් දවාගනිමින්ද, කාවින්ද සිතුම් ලකුණු 5 කට කඩුලු 5 ක් දවාගනිමින්ද ඉසිපතන විදුහල් ‘බී’ කණ්ඩායම ජයග්‍රහණය කරා රැගෙන ගියහ.

ශාන්ත ෆ්‍රැන්සිස් මහ විදුහල පළමු ඉනිම - ඕවර 24.4 කදී සියලු දෙනා දැවී 66
(අකිල නන්දිත 19/6)

ඉසිපතන විදුහල් ‘බී’ පිල පළමු ඉනිම - ඕවර 41.3 කදී සියලු දෙනා දැවී 111
(ඉෂාද විජේසිංහ 36, දනුල් සුබසිංහ 15/6)

ශාන්ත ෆ්‍රැන්සිස් මහ විදුහල දෙවැනි ඉනිම - ඕවර 17.2 කදී සියලු දෙනා දැවී 24
(කාවින්ද සිතුම් 5/5, හංසක පෙරේරා 6/3)