(නාමල් පතිරගේ)
ශ්‍රී ලංකාවේ ක්‍රිකට් පරිපාලනයේ සහ රග්බි පරිපාලනයේ අර්බුදකාරී තත්ත්වයක් ඇතිවී තිබෙන බව නව ක්‍රීඩා ඇමති තේනුක විදානගමගේ මහතා පවසයි. සිය අමාත්‍යංශයේ වැඩ බාරගැනීමෙන් පසුව ඇමතිවරයා එසේ කීවේය.
“රටේ ක්‍රිකට් පරිපාලනයේ වගේම මේ වෙන කොට රටේ රග්බි පරිපාලනයේත් අර්බුදකාරී තත්ත්වයක් ඇතිවෙලා තිබෙනවා. මේවාට විසඳුම් දෙන්න මා ඉක්මන් විය යුතු නෑ. මොකද මම ඇමැති ධුරයේ වාඩිවුණා විතරයි.“
“සියලු කාරණා පළමුව නිරීක්ෂණය කළ යුතුයි. දැනට ක්‍රීඩා අමාත්‍යාංශයේ ඉතිරි වෙලා තිබෙන අරමුදල් නිසි පාලනයක් යටතට අරන් රටේ ක්‍රීඩාවේ යටිතල පහසුකම් දියුණු කරන්න මා ඊයේ කළා වගේ හෙටත් බලාපොරොත්තු වෙනවා.’’ යයිද නව ක්‍රීඩා ඇමතිවරයා පැවසීය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
