ඉන්දීය ක්‍රිකට් පාලක මණ්ඩලයේ සභාපති සෞරව් ගංගුලි මහතා අයි.සී.සී. ක්‍රිකට් කමිටුවේ ප්‍රධානියා ලෙස පත් කර ඇති බව අන්තර්ජාතික ක්‍රිකට් සභාව නිවේදනය කරයි. වසර තුනක සේවා කාලයක් බැගින් උපරිම තුන් වතාවක් සම්පූර්ණ කිරීමෙන් පසු ඉවත් වූ හිටපු ඉන්දීය ටෙස්ට් නායකයකු වූ අනිල් කුම්බ්ලේ මහතා වෙනුවට ගංගුලි මහතා පත් කර ඇත.
“අයි.සී.සී ක්‍රිකට් කමිටුවේ සභාපති ධුරයට ගංගුලි මහතා පිළිගැනීමට ලැබීම ගැන මම සතුටු වෙනවා,” යැයි අන්තර්ජාතික ක්‍රිකට් සභාවේ සභාපති ග්‍රෙග් බාර්ක්ලේ මහතා නිවේදනයක් නිකුත් කරමින් කියා සිටී.
“ලෝකයේ හොඳම ක්‍රීඩකයෙකු ලෙසත් පසුව පරිපාලකයෙකු ලෙසත් ඔහුගේ අත්දැකීම් අපගේ ක්‍රිකට් තීරණ ඉදිරියට ගෙන යාමට උපකාරී වෙනවා”
“පසුගිය වසර නවය පුරාම ක්‍රමානුකූලව සහ ස්ථාවර ලෙස කටයුතු කිරීමෙන් ජාත්‍යන්තර ක්‍රීඩාව වැඩිදියුණු කිරීම වගේම සැකකටයුතු පන්දු යැවීමේ ඉරියව් නිරීක්‍ෂණය කිරීම සඳහා ශක්තිමත් ක්‍රියාවලියක් ඇතුළත් කර ඇති ඔහුගේ කැපී පෙනෙන නායකත්වය වෙනුවෙන් මම අනිල්ට ස්තූතිවන්ත වීමට කැමැතියි” යැයිද බාර්ක්ලේ මහතා පැවසීය.
- 2079
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
