කෝට්ටේ ක්‍රීඩා සමාජය සංවිධානය කළ කෝට්ටේ දැල්පන්දු තරගමාලාවේදී කොලොන්නාව බාලකා විදුහල වයස 13 න් පහළ හා 16 න් පහළ ශූරතා දෙකක් දිනා ගැනීමට සමත් විය. ඇතුල් කෝට්ටේ අංගම්පිටිය ක්‍රීඩාංගණයේදී තරගාවලිය පැවැත්විණි.
එහිදී වයස 40 න් පහළ ප්‍රවීණයන්ගේ තරගයේ ජය බොරැල්ල කැම්බෙල් ක්‍රීඩා සමාජයට හිමි විය. ඒ ගෝල් ගෙටර්ස් ක්‍රීඩා සමාජය පරාජය කරමිණි.එහිදී දැල්පන්දු රැජින ලෙස ජී. කේ.මනෝජිකා අබේවික්‍රම සම්මාන ලැබුවාය.දක්ෂතම පන්දු ව්දින්නිය වූයේ චාමික ජයසේකර (ශ්‍රී ලයන්ස්) යි.වදීෂා වී.ප්‍රනාන්දු (ගෝල් ගෙටර්ස්) දක්ෂතතම ආක්‍රමණික ක්‍රීඩිකාව ලෙසත් දමයන්ති ජයතිලක ( ශ්‍රී ලයන්ස්) දක්ෂතම මැද පෙළ ක්‍රීඩිකාව ලෙසත් ප්‍රවීණයන්ගේ තරගයේදී සම්මාන ලැබූහ.
මෙම තරගමාලාව සංවිධානය කිරීමේදී හිටපු ප්‍රවීණතම දැල්පන්දු පුහුණුකරුවෙකු හා විනිසුරුවරියක් වන ශිරානි පෙරේරා මහත්මිය කෝට්ටේ ක්‍රීඩා සමාජයට මග පෙන්වූවාය.
කෝට්ටේ ක්‍රීඩා සමාජය ආරම්භ කිරීමේ පුරෝගාමිණිය වන ශීලා ඊබට්, සී. අයි.එම්.යූ. කේ. ආයතනයේ ශ්‍රී ලංකා හා මාලදිවයින ප්‍රධානී ඔනෙලී දිසානායක, තිෂාන් ධර්මසේන, සොෆායා ධර්මසේන යන මහත්ම මහත්මීන් ඇතුළු හිටපු ක්‍රීඩක ක්‍රීඩිකාවන් පිරිසක් මෙහි ආරාධිත අමුත්තන් ලෙස සහභාගි වූහ.
වයස 16 න් පහළ දැල්පන්දු කුසලාන දිනා ගැනීමේදී කොලොන්නාව බාලිකා විදුහල විසින් අවසන් තරගයේදී මොරටුව වේල්ස් කුමරි විදුහල පරාජය කරන ලදී.
කෝට්ටේ ක්‍රීඩා සමාජය වයස 13 න් පහළ අවසන් තරගයේදී කොලොන්නාව බාලිකා විදුහලට පරාජය විය.සිලෝන් බිස්කට් ආයතනය හා තෙලෝග්ස් ආයතනය කණ්ඩායම් වෙත බිස්කට් හා ධාන්‍ය ආහාර ලබාදීමෙන් අනුග්‍රහය දැක්වූහ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
