(ශානුක අරවින්ද)
ශී‍්‍ර ලංකා මේසපන්දු සංගමය සංවිධානය කරන 74 වැනි ජාතික මේසපන්දු තරගාවලිය අද (4 වැනිදා) සහ හෙට (5 වැනිදා) යන දිනවලදී බණ්ඩාරගම ගෘහස්ත කී‍්‍රඩාංගණයේදී පැවැත්වේ. එහිදී පිරිමි කේවල, කාන්තා කේවල, පිරිමි යුගල, කාන්තා යුගල සහ මිශ‍්‍ර යුගල යන කාණ්ඩ යටතේ තරග පැවැත්වේ.
මෙය ඉකුත් වසරේදී (2020) පැවැත්වීමට නියමිත තිබූ ජාතික මේසපන්දු තරගාවලිය වන අතර කොවිඩ්-19 වසංගත තත්ත්වය හේතුවෙන් සංවිධායකයන්ට කිහිපවරක්ම එය කල් දැමීමට සිදුවිය.
මෙවර තරගාවලිය සඳහා දිවයින පුරා පාසල් සහ කී‍්‍රඩා සමාජ රැුසක් නියෝජනය කරමින් කී‍්‍රඩක කී‍්‍රඩිකාවන් 192 දෙනෙක් ලියාපදිංචි වී සිටින අතර සෑම කාණ්ඩයකම පළමු, දෙවැනි සහ තෙවැනි ස්ථාන සඳහා සහතිකපත් පිරිනැමීමට සංවිධායකයෝ සූදානමින් සිටිති.
අවසන් වරට ජාතික පැවැති මේසපන්දු තරගාවලියේදී (2019) පිරිමි කේවල ශූරතාව දිනාගැනීමට මහනුවර විද්‍යාර්ථ විදුහලේ උදය රණසිංහ සමත් වූ අතර කාන්තා කේවල ශූරතාව දිනාගැනීමට ශ්‍රී නාවික හමුදාවේ හංසනී පියුමිලා සමත් වූවාය.
මෙවර ජාතික තරගාවලිය ආරම්භ වීමට පෙර මේසපන්දු පිරිමි ශේණිගත කිරීම්හි පෙරමුණ ගැනීමට කොළඹ ආනන්ද විදුහලේ සෙනුර ද සිල්වා සමත්ව සිටින අතර වරාය අධිකාරියේ ඉෂාරා මධුරංගි කාන්තා ශ්‍රේණිගත කිරීම්හි පෙරමුණේ පසුවන්නීය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
