(ශානුක අරවින්ද)
ශී‍්‍ර ලංකා ටෙනිස් සංගමය 106 වැනි වරටත් සංවිධානය කරන කොළඹ ටෙනිස් ශූරතාවලියේ පිරිමි කේවල ශූරතාව දිනාගැනීමට ටෙහාන් විජේමාන්නද, කාන්තා කේවල ශූරතාව දිනාගැනීමට අංජලිකා කුරේරාද සමත් වූහ.
අවසන් මහ තරගයේදී වට 2-1 ක් ලෙස චාතූර්ය නිලවීර පරාජය කරමින් ටෙහාන් පිරිමි කේවල ශූරතාවට හිමිකම් කීවේය. අංජලිකා කාන්තා ශූරතාවට හිමිකම් කීවේ අවසන් මහ තරගයේදී වට 2-0 ක් ලෙස නෙයාරා වීරවංශ පරාජය කරමිනි.
පිරිමි කේවල අවසන් පූර්ව වටයේදී තරග වට 2-0 ක් ලෙස අර්චන ලොකුගේ පරාජය කරමින් ටෙහාන් අවසන් මහ තරගයට පිවිසියේය. චාතූර්ය අවසන් මහ තරගයට පිවිසියේ අවසන් පූර්ව වටයේදී තරග වට 2-0 ක් ලෙස විබුද විජේබණ්ඩාර පරාජය කරමිනි.
කාන්තා කේවල අවසන් පූර්ව වටයේදී වට 2-1 ක් ලෙස සවිනි ජයසූරිය පරාජය කරමින් නෙයාරාද, වට 2-0 ක් ලෙස තුවිනි ද අල්විස් පරාජය කරමින් අංජලිකාද එම ඉසව්වේ අවසන් මහ තරගයට සුදුසුකම් ලබාගත්හ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
