ධර්මාලෝක ‘බී’ පිලට මුල් ඉනිමේ ජයක්

කැලණිය ශ්‍රී ධර්මාලෝක විදුහල් ‘බී’ කණ්ඩායම සහ මහර ජනාධිපති විදුහල් ‘බී’ කණ්ඩායම අතර අන්තර් පාසල් වයස 13 න් පහළ ‘සිංගර් කුසලාන’ ක්‍රිකට් තරගාවලියේ III කොටසේ තරගයෙන් පළමු ඉනිමේ ජයක් අත්කර ගැනීමට ධර්මාලෝක විදුහල් ‘බී’ කණ්ඩායම සමත් විය. මෙම තරගය මාරපොල මහ විදුහල් ක්‍රීඩාංගණයේදී පැවැත්විණ.

එහිදී ධර්මාලෝක විදුහල් ‘බී’ කණ්ඩායම වෙනුවෙන් අර්ධ ශතකයක් ලබාගැනීමට තෙමිර මිකාසන (නොදැවී 52) සමත් විය.

ධර්මාලෝක විදුහල් ‘බී’ පිල පළමු ඉනිම - ඕවර 35 කදී කඩුලු 6 ක් දැවී 219
(තෙමිර මිකාසන නොදැවී 52, හෂේන් ශ්‍යාමල් 46, චමුත විකේෂන 31, මුලිත දෙව්නුල 12, විශ්ව කුමාර 54/4)

ජනාධිපති විදුහල් ‘බී’ පිල පළමු ඉනිම - ඕවර 29.2 කදී සියලු දෙනා දැවී 37
(චේතන රිත්මල් 9/3, මියුරු හපන්ගම 5/2, චමුත විකේෂන 5/2)

ජනාධිපති විදුහල් ‘බී’ පිල දෙවැනි ඉනිම - ඕවර 8.5 කදී කඩුලු 5 ක් දැවී 30
(චේතන රිත්මල් 5/2, මියුරු හපන්ගම 4/2)

- 036