ලබන වසරේ බටහිර ඉන්දීය කොදෙව් සමූහයේදී පැවැත්වීමට නියමිතව ඇති යොවුන් ලෝක කුසලාන කි‍්‍රකට් තරගාවලියෙන් ඉවත්වීමට නවසීලන්ත කණ්ඩායම තීරණය කර ඇත. යොවුන් ලෝක කුසලාන තරගාවලියට එක්ව ඔවුන් නැවතත් නවසීලන්තය බලා පැමිණීමෙන් පසුව පුළුල් අනිවාර්ය නිරෝධායන සීමාවන්ට යටත්වීමට සිදුවීම හේතුවෙන් ඔවුන් මෙම තරගාවලියෙන් ඉවත්වී ඇත.
නවසීලන්තයේ නොපැමිණීමත් සමගින් යුරෝපා සුදුසුකම් ලැබීමේ තරඟාවලිය සඳහා අවස්ථාව අහිමි වූ ස්කොට්ලන්තය යොවුන් ලෝක කුසලාන තරගාවලියට එක්වන 16 වන කණ්ඩායම බවට පත්විය.
යොවුන් ලෝක කුසලාන තරගාවලිය ජනවාරි 14 වැනිදා සිට පෙබරවාරි මස 5 වැනිදා දක්වා බටහිර ඉන්දීය කොදෙව් සමූහයේදී පැවැත්වේ. තරග 48 කින් සමන්විත මෙම තරගාවලිය ආරම්භ කරමින් බටහිර ඉන්දීය කොදෙව් පිල සහ ඔස්ටේ‍්‍රලියාව ද, ශ්රී ලංකාව සහ ස්කොට්ලන්තයද ජනවාරි 14 වැනිදා තරග වැදීමට නියමිතය.
14 වැනි වරටත් පැවැත්වෙන යොවුන් ලෝක කුසලාන තරගාවලියට කණ්ඩායම් 16 ක් සහභාගිවන අතර එම කණ්ඩායම් කාණ්ඩ 4ක් යටතේ ඇන්ටිගුවා සහ බාබුඩා, ගයනා, ශාන්ත කිට්ස් සහ නෙවිස්, ටි‍්‍රනිඩෑඞ් සහ ටොබැගෝ යන ස්ථාන 10කදී ශූරතාව සඳහා තරග වදිනු ඇත.
පසුගිය වතාවේදී යොවුන් ලෝක කුසලාන දිනාගත් බංග්ලාදේශය මෙන්ම එංගලන්තය, කැනඩාව සහ එක්සත් අරාබි එමීර් රාජ්‍යය ‘ඒ’ කාණ්ඩයෙන් තරගාවලියට එක්වනු ඇත. 2004 වසරේ පැවැති යොවුන් ලෝක කුසලාන තරගාවලියේදී සිය මංගල තරඟයට පිවිසි උගන්ඩාව, ඉන්දියාව, දකුණු අප‍්‍රිකාව සහ අයර්ලන්තය සමඟින් ‘බී’ කාණ්ඩයෙන් තරග කරනු ඇත.
‘සී’ කාණ්ඩයට පැපුවා නිව්ගිනියාව, ඇෆ්ගනිස්ථානය, පාකිස්ථානය සහ සිම්බාබ්වේ ඇතුළත් වන අතර ඕස්ටේ‍්‍රලියාව, ශ්රී ලංකාව, ස්කොට්ලන්තය සහ සත්කාරක බටහිර ඉන්දීය කොදෙව් කණ්ඩායම් ‘ඞී’ කාණ්ඩයට එක්වෙති.
ටෙස්ට් ක‍්‍රීඩාංගණ වන ක්වීන්ස් උද්‍යානයේ ඕවල් පිටියේදී සහ වෝනර් උද්‍යාන කී‍්‍රඩාංගණයේදී මූලික වටයේ තරග පැවැත්වේ. ජනවාරි 9 වැනිදා සිට 12 වැනිදා දක්වා පෙරහුරු තරග 16 ක් ශාන්ත කිට්ස් සහ නෙවිස්, ගයානාහිදී පැවැත්වේ.
පෙබරවාරී 1 වැනිදා ඇන්ටිගුවා සහ බාබුඩාහි ශ්‍රීමත් විවියන් රිචඞ් ක‍්‍රීඩාංගණයේදී පළමු අවසන් පූර්ව තරගය පැවැත්වෙන අතර පෙබරවාරී 2 වැනිදා කූලිජ් ක‍්‍රීඩාංගණයේදී දෙවැනි අවසන් පූර්ව තරගය පැවැත්වේ.
අවසන් මහ තරගය පෙබරවාරී 5 වැනිදා ශ්‍රීමත් විවියන් රිචඞ් ක‍්‍රීඩාංගණයේදී පැවැත්වේ.
පසුගිය තරගාවලි කිහිපයේදී මෙන්, සෑම කාණ්ඩයකින්ම පළමු කණ්ඩායම් දෙක සුපිිරි 8 දෙනාගේ කාණ්ඩයේදී පිළිමළුන් පිටුදැකීමේ වටයට පිවිසෙනු ඇත. ඊට සුදුසුකම් නොලබන අය ප‍්‍රධාන තරඟාවලියට සමගාමීව පැවැත්වෙන පළඟ තරඟාවලියට, එනම් 9 වැනි ස්ථානයේ සිට 16 වැනි ස්ථාන සඳහා තරග කිරීමට අවස්ථාව ලැබේ.
යොවුන් ක්රිකට් ක‍්‍රීඩකයන් සඳහා නිර්මාණය කර ඇති මෙම තරඟාවලියේදී සෑම කණ්ඩායමක්ම එකම තරග සංඛ්‍යාවක් ක්රීඩා කරනු ඇත.
බටහිර ඉන්දීය කොදෙව්, දකුණු අප‍්‍රිකාව, එංගලන්තය සහ බංග්ලාදේශය එක් වරක්ද, පාකිස්තානය දෙවරක්ද, ඔස්ටේ‍්‍රලියාව තුන් වතාවක්ද, ඉන්දියාව සිව් වතාවක්ද යොවුන් ලෝක ශූරයෝ වී සිටිති.
- 2079
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
