නාලන්ද විදුහල අර්ධ අවසන් පූර්ව වටයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ අර්ධ අවසන් පූර්ව තරගය සඳහා සුදුසුකම් ලබාගැනීමට කොළඹ නාලන්ද විදුහල සමත්විය.

කොළඹ නාලන්ද විදුහල් ක්‍රීඩාංගණයේදී පැවැති පෙර අර්ධ අවසන් පූර්ව තරගයේදී කුරුණෑගල මලියදේව විදුහලට එරෙහිව ලකුණු 38 ක ජයක් හිමිකර ගැනීමට කොළඹ නාලන්ද විදුහල සමත්විය.

රවින් ද සිල්වා කඩුලු 3 ක් ද රෂාන් දිසානායක සහ චමෝද්‍ය රාජපක්ෂ කඩුලු 2 බැගින් දවාගනිමින් කොළඹ නාලන්ද විදුහල ජයග්‍රහණය කරා රැගෙන යාමට සමත්වූහ.

නාලන්ද විදුහල - ඕවර 50 කදී සියලුදෙනා දැවී 184
(නදුන් සේනාරත්න 43, අවිශ්ක පෙරේරා 28, ජයෝද් කල්දේරා 20, අනුද විත්වර 20, ලකිත රණවක 24/2)

මලියදේව විදුහල - ඕවර 45.3 කදී සියලුදෙනා දැවී 146
(මුදිත ප්‍රේමදාස 65, රවින් ද සිල්වා 28/3, රෂාන් දිසානායක 24/2, චමෝද්‍ය රාජපක්ෂ 21/2)