Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Latest news නෙදර්ලන්තයත් අපරාජිත බව රැකගනී

නෙදර්ලන්තයත් අපරාජිත බව රැකගනී

editorial - 2021 ජුනි මස 22 {{hitsCtrl.values.hits}} Views 0 Comment
A A A

‍මෙම්ෆිස් ඩිපේගේ සහ ජෝර්ජිනියෝ වයිනල්ඩම්ගේ දක්ෂ ක්‍රීඩා විලාශය හේතුවෙන් ඊයේ (21 වැනිදා) උතුරු මෙසි‍ඩෝනියාවට එරෙහිව පැවැති ‘සී’ කාණ්ඩයේ මූලික වටයේ තරගයෙන් ගෝල 3-0 ක ජයක් වාර්තා කළ නෙදර්ලන්තය, සිය අපරාජිත බව රැකගෙනම අවසන් 16 දෙනාගේ වටයට පිවිසීමේ අවස්ථාව උදා කරගත්තේය. 
 
තරගයේ 24 වැනි විනාඩියේදී ඩොනියෙල් මැලන්‍ගේ පන්දු යොමුකිරීමක් හමු‍වේ ගෝලයක් ලබාගත් මෙම්ෆිස් ඩිපේ පළමු අර්ධය නිමාවන විට ගෝල 1-0 ක් ලෙස නෙදර්ලන්තය පෙරමුණට ගෙන අවේය. ඉන් නොනැවතුණ ඩීපේ, 51 වැනි විනාඩියේදී ජෝර්ජිනියෝ වයිනල්ඩම්ට ගෝලයක් ලබාගැනීම සඳහා දක්ෂ පන්දු යොමු කිරීමකද නිරත විය. 
 
දෙවැනි අර්ධය ආරම්භ වී විනාඩි 6 ක් ගතවන විට ඩිපේගේ ස‍හයෝගයෙන් පළමු ගෝලයක් ලබාගත් වයිනල්ඩම්, එතැන් පටත් තවත් විනාඩි 7 ක් ගතවීමට මත්තෙන් දෙවැනි ගෝලයද ලබාගනිමින් ගෝල ද්විත්වයකට හිමිකම් කීවේය. ඒ අනුව තරගයේ නියමිත කාලය අවසන් වන විට ගෝල 3-0 ක් ලෙස නෙදර්ලන්තයට පහසු ජයක් හිමිවිය.
 
මෙවර තරගාවලියේදී අපරාජිතව සිටිමින් පිළිමළුන් පිටිදැකීමේ වටයට සුදුසුකම් ලබාගත් තෙවැනි කණ්ඩායම නෙදර්ලන්තය වන අතර මින් පෙර ඉතාලිය ‘ඒ’ කාණ්ඩයෙන්ද, බෙල්ජියම ‘බී’ කාණ්ඩයෙන්ද අපරාජිත බව රැක‍ගෙන අවසන් 16 දෙනාගේ වටයට සුදුසුකම් ලබාගත්හ. 
 
මූලික වටයේ සෙසු තරගවලදී යුක්රේනයට එරෙහිව ගෝල 3-2 ලෙසද, ඔස්ට්‍රියාවට එරෙහිව ගෝල 2-0 ක් ලෙසද ජය ලැබූ නෙදර්ලන්තය, අවසන් 16 දෙනාගේ වටයේදී ‘ඩී’, ‘ඊ’ හෝ ‘එෆ්’ යන කණ්ඩවල තෙවැනි ස්ථාන හිමිකරගන්නා කණ්ඩායමකට එරෙහිව මේ මස 27 වැනිදා තරග වැදීමට නියමිතය. 
 
-036


අදහස් (0)

නෙදර්ලන්තයත් අපරාජිත බව රැකගනී

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.