Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Latest news පාසල් කි‍්‍රකට් තරග ජනවාරියේ

පාසල් කි‍්‍රකට් තරග ජනවාරියේ

editorial - 2021 දෙසැ මස 03 {{hitsCtrl.values.hits}} Views 0 Comment
A A A

(රොෂාන් ගුණරත්න)

ශ්‍රී ලංකා පාසල් ක‍්‍රිකට් සංගමයේ විධායක සභා රැුස්වීම පසුගියදා කොළඹ නාලන්දා විද්‍යාලයේදී පැවැති අතර මේ වසරට (2021) අදාල අන්තර් පාසල් ක‍්‍රිකට් තරගාවලිය ජනවාරි පළමු සතියේදී ආරම්භ කිරීමට එහිදී තීරණය කෙරුණි.

ඒ අනුව වයස අවුරුදු 15 න් පහළ සහ වයස අවුරුදු 17 න් පහළ අන්තර් පාසල් ක‍්‍රිකට් තරගාවලියන් දෙක ජනවාරී මුල් සතියේ ආරම්භ කර ජනවාරී 31 වැනිදා අවසන් කිරීමට සැලසුම් කර ඇත. මෙම තරගාවලි දෙක කාණ්ඩ කිහියක් යටතේ බෙදා වෙන්කෙරෙන අතර එහිදී එක් කණ්ඩායමකට තරග 5 හෝ 7 ක් ක‍්‍රීඩා කිරීමට අවස්ථාව හිමිවනු ඇත.

මේ වසර සඳහා අන්තර් පාසල් වයස අවුරුදු 13 න් පහළ ක‍්‍රිකට් තරගාවලියක් නොපැවැත්වෙන බැවින් වයස අවුරුදු 15 න් පහළ තරගාවලිය සඳහා එක් පාසලකින් කණ්ඩායම් 4 කට සහභාගිවීම සඳහා ශ්‍රී ලංකා පාසල් ක‍්‍රිකට් සංගමය අවස්ථාව සලසාදී ඇත. ඒ අනුව I කොටසින් කණ්ඩායමක්ද, II වැනි කොටසින් කණ්ඩායමක් සහ III වැනි කොටසින් කණ්ඩායම් 2 ක් ලෙස තරගාවලියට කණ්ඩායම් 4 ක් එක් කිරීමට පාසල් වලට අවස්ථාව ඇත. 2006, 2007 සහ 2008 වසර වලදී උපන් ක‍්‍රීඩකයන් සඳහා පමණක් මෙම තරගාවලියට සහභාගිවීමට අවස්ථාව හිමිවේ.

වයස අවුරුදු 17 න් පහළ අන්තර් පාසල් ක‍්‍රිකට් තරගාවලිය සඳහා එක් පාසලකින් කණ්ඩායම් 3 ක් ඉදිරිපත් කිරීමට අවස්ථාව ඇති අතර 2004 සහ 2005 වසර වලදී උපන් ක‍්‍රීඩකයන්ට තරගාවලියට ක‍්‍රීඩා කිරීමට අවස්ථාව ඇත.

වයස අවුරුදු 15 න් පහළ සහ වයස අවුරුදු 17 න් පහළ කණ්ඩායම් සහ ක‍්‍රීඩකයන් ලියාපදිංචිය මේ වසරේ දෙසැම්බර් 10 වැනිදා සිට 23 වැනිදා දක්වා අන්තර්ජාලය ඔස්සේ සිදුකිරීමට නියමිතය. ඊට අමතරව මින් පෙර අන්තර්ජාලය ඔස්සේ කණ්ඩායම් සහ ක‍්‍රීඩකයන් ලියාපදිංචි කර ඇති පාසල් සඳහා මෙම කාළය තුලදී ලියාපදිංචි ලේඛණය සංශෝධනය කිරීමේ හැකියාව ඇත.

2021-22 තරග කාලසීමාවට අයත් වයස අවුරුදු 19 න් පහළ අන්තර් පාසල් බාලක සහ බාලිකා ක‍්‍රිකට් තරගාවලි දෙක ලබන වසරේ මාර්තු මස මුල් සතියේ සීමිත  ඕවර තරගාවලි ලෙස ආරම්භ කිරීමට නියමිතව ඇත. මූලික වටයේ තරග අපේ‍්‍රල් මස 2 වන සතියේ එනම් සිංහල හින්දු අලූත් අවුරුද්දට පෙර අවසන් වෙනු ඇත. මෙම තරගාවලි දෙකෙහි දෙවැනි වටය අපේ‍්‍රල් 20 වැනිදා ආරම්භ කර මැයි 15 වැනිදා අවසන් කිරීමට සැලසුම් සකස් කර ඇත.

2002 වසරේ සැප්තැම්බර් 1 වැනිදා හෝ ඊට පසුව උපන් බාලක බාලිකාවන් සඳහා වයස අවුරුදු 19 න් පහළ අන්තර් පාසල් බාලක සහ බාලිකා ක‍්‍රිකට් තරගාවලියන්ට එක්වීමට අවස්ථාව ඇත. තරගාවලිය අදාල කණ්ඩායම් සහ ක‍්‍රීඩක ලියාපදිංචිය පෙබරවාරි 7 වැනිදා සිට 21 වැනිදා දක්වා සිදුකරනු ඇත.

ලබන වසරට (2022) අදාල වයස අවුරුදු 15 න් පහළ සහ වයස අවුරුදු 17 න් පහළ අන්තර් පාසල් ක‍්‍රිකට් තරගාවලි දෙක පූර්ණ තරගාවලියන් ලෙස ජූනි මස මුල් සතියේදීද, වයස අවුරුදු 13 න් පහළ අන්තර් පාසල් ක‍්‍රිකට් තරගාවලිය අගෝස්තු මුල් සතියේද ආරම්ණ කිරීමට සැලසුම් කර ඇත.

දෙදින සහ එක්දින තරගාවලියන් ලෙස 2022-23 තරග කාලසීමාවට අයත් වයස අවුරුදු 19 න් පහළ අන්තර් පාසල් බාලක ක‍්‍රිකට් තරගාවලිය සැප්තැම්බර් මුල් සතියේ ආරම්භ වන අතර ඊට සමගාමිව බාලිකා තරගාවලියද ආරම්භවේ.


අදහස් (0)

පාසල් කි‍්‍රකට් තරග ජනවාරියේ

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.