අබුඩාබි දහයයි-10 තරගාවලියේ අද (30 වැනිදා) රාත‍්‍රියේ පැවැති තරගයකදී නොදර්න් වොරියර්ස් කණ්ඩායමට එරෙහිව කඩුලූ 10 ක පහසු ජයක් වාර්තා කිරීමට ඇන්ජලෝ පෙරේරා නායකත්වය දරන චෙන්නායි බ්‍රේව්ස් කණ්ඩායම සමත් විය. මෙම තරගාවලියේදී මේ දක්වා තරග 9 කට සහභාගි වී ඇති බ්‍රේව්ස් කණ්ඩායම එහිදී ලැබූ පළමු ජයග‍්‍රහණය මෙය විය.
ජයග‍්‍රහණය සඳහා ලකුණු 109 ක ඉලක්කයක් හඹාගිය බ්‍රේව්ස් කී‍්‍රඩකයෝ පන්දු 9 ක් ඉතිරිව තිබියදී කිසිවකු නොදැවී එම ඉලක්කය පසුකර ගියහ. ආරම්භක කඩුල්ල වෙනුවෙන් පන්දු 52 කදී ලකුණු 114 ක නොබිඳුණ වේගවත් සම්බන්ධතාවක් ගොඩනැගූ භානුක රාජපක්ෂ (නොදැවී 55) සහ මොහොමඞ් ශේෂාඞ් (නොදැවී 54) බ්‍රේව්ස් කණ්ඩායමේ ජයග‍්‍රහණය තහවුරු කළහ.
එහිදී පන්දු 23 කට මුහුණදුන් භානුක හයේ පහර 4 කින් සහ හතරේ පහර 6 කින් සිය අර්ධ ශතකය සැරසූ අතර එය මෙම තරගාවලියේදී ඔහු ලබාගත් තෙවැනි අර්ධ ශතකය විය. භානුකගේ එම වේගවත් පිතිහරඹය හේතුවෙන් ඔහු තරගයේ වීරයා ලෙසද සම්මාන ලැබීය. පන්දු 29 කදී වාර්තා වූ ශේෂාඞ්ගේ අර්ධ ශතකය හයේ පහර 2 කින් සහ හතරේ පහර 9 කින් සමන්විත විය.
පළමුවෙන් පන්දුවට පහරදුන් නොදර්න් වොරියර්ස් කණ්ඩායම ඕවර 9.5 ක් අවසානයේ සියලූ දෙනා දැවී ලකුණු 108 ක් ලබාගත් අතර වොරියර්ස් කණ්ඩායමේ වැඩිම ලකුණු ලාභියා බවට පත්වූ උපුල් තරංග පන්දු 14 කදී ලකුණු 32 ක් රැුස්කළේ හතරේ පහර 7 ක් සමගිනි. එහිදී ලකුණු 25 කට කඩුලූ 2 ක් බිඳහෙළීමට දසුන් ශානක සමත් වූ අතර ධනංජය ලක්ෂාන් ලකුණු 23 කට එක් කඩුල්ලක් දවාගත්තේය.
නොදර්න් වොරියර්ස් පිල - ඕවර 9.5 කදී සියලූ දෙනා දැවී 108
(මුයින් අලී 25, උපුල් තරංග 32, රෝමන් පවෙල් 31, රවී බොපාරා 06/2, කර්ටිස් කැම්පර් 16/2, දසුන් ශානක 25/2)
චෙන්නායි බ්‍රේව්ස් පිල - ඕවර 8.3 කදී කිසිවකු නොදැවී 114
(මොහොමඞ් ශේෂාඩ් නොදැවී 54, භානුක රාජපක්ෂ නොදැවී 55)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
