හෙට (26) බේරුවල මග්ගොනදී පැවැත්වීමට සූදානම් කර තිබූ කිලෝමීටර් 176 ක් දුරැති මග්ගොන රංජිත් තිලකසිරි කුසලාන රේසින් ( පිරිමි ) පාපැදි තරගය කල් දැමූ බව ශ්‍රී ලංකා පාපැදි සම්මේලනය පවසයි
ඒ අනුව එය ලබන ජූනි 7 වැනිදා පැවැත්වීමට තීරණය කර ඇතැයි එහිදි තරග සංවිධායකයෝ පවසති.
මග්ගොන සිංහල - මුස්ලිම් එකමුතු සංවිධානය බේරුවල ප්‍රාදේශීය සභාවේ හිටපු විපක්ෂ නායක රංජිත් තිලකසිරි මහතාගේ අනුග්‍රහයෙන් සංවිධානය කරන මෙහි 30 වැනි ස්ථානය දක්වා රුපියල් 150000 සිට 5000 දක්වා මුදල් ත්‍යාග රැසක් ප්‍රදානය කිරීමට නියමිතය.
මග්ගොන, බේරුවල, කලුතර, පානදුර, අලුත්ගම, කොස්ගොඩ, අම්බලන්ගොඩ, හික්කඩුව, ගාල්ල ඔස්සේ එම මාර්ගය හරහා නැවැත මග්ගොන නගර මංසන්ධියට ළගාවීමෙන් අවසන් කෙරේ.
පාපැදි සම්මේලනයේ 2024 බලපත්‍රලාභි සුපිරි හා වයස 23 න් පහළ යන කාන්ඩ දෙකේ ක්‍රීඩකයන්ට පමණක් මෙම රේසින් තරගයට සහභාගි විය හැකිය.
ශ්‍රී ලංකා පාපැදි සම්මේලනය තරගය අධීක්ෂණය කරයි.
- 223
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
