Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Latest news මහනුවරට වෙනත් ක්‍රීඩකයෝ 3 ක්

මහනුවරට වෙනත් ක්‍රීඩකයෝ 3 ක්

editorial - 2021 දෙසැ මස 03 {{hitsCtrl.values.hits}} Views 0 Comment
A A A

(ශානුක අරවින්ද) 

ලංකා ප්‍රීමියර් ලීග් තරගාවලියට සහභාගි වන කැන්ඩි වොරියර්ස් කණ්ඩායමේ විදෙස් ක්‍රීඩකයන්ගේ වෙනසක් සිදුකර ඇතැයි වාර්තා වේ. 

මහනුවර කණ්ඩායමට ඇතුළත්ව සිටි විදෙස් ක්‍රීඩකයන් තිදෙනකු කණ්ඩායමෙන් ඉවත් වී ඇති අතර ඔවුන් වෙනුවට වෙනත් ක්‍රීඩයක් තිදෙනෙකු කණ්ඩායමට ඇතුළත් කරගැනීමට කණ්ඩායමේ හිමිකරුවන් පියවර ගෙන ඇත. 

ඩොවොන් ස්මිත් (බටහිර ඉන්දීය කොදෙව් දූපත්), අස්රලුතුල්ලා ඔමර්සායි (ඇෆ්ඝනිස්ථානය) සහ මොහොමඞ් ඉර්ෆාන් (පාකිස්තානය) විවිධ හේතූන් මත කැන්ඩි වොරියර්ස් කණ්ඩායමෙන් ඉවත් වී සිටිති.

ඔවුන් වෙනුවට සිරාස් අහමඞ් (එක්සත් අරාබි එමීර් රාජ්‍යය), ඩෙවොන් තෝමස් සහ කෙනාර් ලුවිස් (බටහිර ඉන්දීය කොදෙව්) අලුතින් කණ්ඩායමට ඇතුළත් කරගෙන ඇත. ඔවුන් තිදෙනාම අබුඩාබි දහයයි-10 තරගාවලිය නිමා වීමෙන් පසුව කණ්ඩායම සමග එක්වීමට නියමිතය. 

කණ්ඩායමේ සෙසු විදෙස් ක්‍රීඩකයන් තිදෙනා ලෙස රෝමන් පවෙල් (බටහිර ඉන්දීය කොදෙව්), අල් අමීන් හොසේන් (බංග්ලාදේශය සහ අහමඞ් ශේෂාඞ් (පාකිස්තානය) කටයුතු කරති. 

ඔවුන් අතරින් අල් අමීන් හොසේන් මේ වන විටත් දිවයිනට පැමිණ සිටින අතර අහමඞ් ශේෂාඞ් අද (3 වැනිදා) දිවයිනට ලඟා වීමට නියමිතය. රෝමන් පවෙල් කණ්ඩායම සමග එක්වීමට නියමිතව ඇත්තේ මේ දිනවල පැවැත්වෙන අබුඩාබි දහයයි-10 තරගාවලිය නිමාවීමෙන් පසුවය. 

මින් පෙරද කැන්ඩි වොරියර්ස් කණ්ඩායමට ඇතුළත්ව සිටි විදෙස් ක්‍රීඩකයන් කිහිප දෙනෙක්ම විවිධ හේතූන් මත කණ්ඩායමෙන් ඉවත් වූහ. 

පිලිප් සෝල්ට් (එංගලන්තය), කැමරන් ඩෙල්පොට් (දකුණු අප්‍රිකාව), අම්ජාඞ් ඛාන් (එක්සත් අරාබි අමීර්) මොහොමඞ් මිතුන්, නස්මුල් ඉමස්ලාම් සහ මෙහෙදි හසන් රානා (බංග්ලාදේශය) එලෙස ඉවත් වූ ක්‍රීඩකයෝ වූහ. 


අදහස් (0)

මහනුවරට වෙනත් ක්‍රීඩකයෝ 3 ක්

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.