මාධවගෙන් සිල්වෙස්ටර්ස් විදුහලට විශිෂ්ට ජයක්

‘සිංගර් කුසලාන’ වයස 15න් පහළ ක්‍රිකට් තරගාවලියේ III කොටසේ පැවැති තරගයකදී, වත්තේගම මහ විද්‍යාලයට එරෙහිව ඉනිමක සහ ලකුණු 102 ක විශිෂ්ට ජයක් ලැබීමට මහනුවර ශාන්ත සිල්වෙස්ටර්ස් විද්‍යාලය පෙරේදා (4) සමත් විය. මෙම තරගය උකුවෙල මහජන ක්‍රීඩාංගණයේදී පැවැත්විණි.

දක්ෂ පන්දු  යැවීමක නිරත වූ සිල්වෙස්ටර්ස් විද්‍යාලයේ ඩී.ටී. මාධව පළමු ඉනිමේදී ලකුණු 14කට කඩුලු 5ක් සහ දෙවැනි ඉනිමේදී ලකුණු 07 කට කඩුලු 6ක් සමගින් ඉනිම් දෙකේදී ලකුණු 21කට කඩුලු 11 ක් බිඳ හෙළමින් ඉහළ දක්ෂතා දැක්වීය.

සිල්වෙස්ටර්ස් විද්‍යාල පළමු ඉනිම - ඕවර 51කදී කඩුලු 6කට ලකුණු 261
(සරන් කුමාර 86, කල්හාර සේනාරත්න 58, ඩී.ටී. මාධව නොදවී 24, එච්. වීරසිංහ 22, ජී.එම්. හේරත් 69/2 )

වත්තේගම මහ විද්‍යාල පළමු ඉනිම -  ඕවර 38.2 කදී සියලු දෙනා දැවී ලකුණු 112
(ඩී.එල්. ආරියසිංහ නොදැවී 35, ඩී.ටී. මාධව 14/5, සරන් කුමාර 26/3 )

වත්තේගම මහ විද්‍යාල දෙවැනි ඉනිම - ඕවර 29.2 කදී සියලු දෙනා දැවී ලකුණු 47
(ඩී.ටී. මාධව 07/6, සරන් කුමාර 22/2 )