මාරිස්ටෙලා විදුහල මුල් ඉනිම ජයගනී

අන්තර් පාසල් වයස 15 න් පහළ ‘සිංගර් කුසලාන’ ක්‍රිකට් තරගාවලියේ කෑගලු විද්‍යාලය සහ මීගමුව මාරිස්ටෙලා විදුහල අතර කෑගලු විද්‍යාලයීය ක්‍රීඩාංගණයේදී පැවැති I කොටසේ තරගයෙන් පළමු ඉනිමේ ජයක් වාර්තා කිරීමට මාරිස්ටෙලා විදුහල සමත් විය.

එහිදී දක්ෂ පන්දු යැවීමක නිරත වූ මාරිස්ටෙලා විදුහලේ නවිඳු විජේසූරිය ලකුණු 24 කට කඩුලු 5 ක් දවාගත් අතර එම විදුහලේම පසිඳු සිල්වා නොදැවී ලකුණු 67 ක් රැස්කරමින් සහ කඩුලු 2 ක් දවාගනිමින් පිත්තෙන් මෙන්ම පන්දුවෙන්ද දස්කම් දැක්වීය.  

කෑගලු විද්‍යාලයීය පළමු ඉනිම - ඕවර 61 කදී සියලු දෙනා දැවී 156
(දස්සන ගම්ලත් 28, දෙසඳු රාජපක්ෂ 23, අෂාන් බණ්ඩාර 23, අනුහස් රත්නායක 20, නවිඳු විජේසූරිය 24/5, පසිඳු සිල්වා 21/2, අයිවන් ප්‍රනාන්දු 59/2)

මාරිස්ටෙලා විදුහල් පළමු ඉනිම - ඕවර 42 කදී කඩුලු 6 ක් දැවී 199
(පසිඳු සිල්වා නොදැවී 67, කෙනෙත් පෙරේරා නොදැවී 44, කවීන් ප්‍රනාන්දු 42, දෙසඳු රාජපක්ෂ 11/2, කාවින්ද ජයරත්න 51/2)