(උපුල් තම්මිට)
වසර තුනකට අධික කාලයක් විවිධ හේතූන් සහ කොවිඩ් වසංගත තත්වය හේතුවෙන් අත්හිටුවා තිබූ රජරට පාපැදි ක්‍රීඩාව යළිත් නඟා සිටුවීමට ශ්‍රී ලංකා පාපැදි සම්මේලනය හා අනුරාධපුර දිසා පාපැදි සම්මේලනය පියවර ගෙන තිබේ. ඒ අනුව එළඹෙන දෙසැම්බර් 12 වැනිදා (ඉරිදා) අනුරාධපුර දිස්ත්‍රික් පාපැදි ශූරතාව සහ නගරාධිපති අභියෝග කුසලාන වෙනුවෙන් පාපැදි තරගාවලියක් පැවැත්වීමට අනුරාධපුර දිසා පාපැදි සංගමය පියවර ගෙන තිබේ.
මෙම පාපැදි තරග සංවිධානය කිරීම සම්බන්ධයෙන් විශේෂ සාකච්ඡාවක් අද (29 වැනිදා)අනුරාධපුර මහ නගරසභා ශ්‍රවනාගාරයේදී නගරාධිපති එච්.පී.සෝමදාස හා ජාත්‍යන්තර පාපැදි විනිසුරු හා අනුරාධපුර දිස්ත්‍රික් පාපැදි සසංගමයේ සභාපති එන්.කරුනාරත්න යන මහත්වරුන්ගේ ප්‍රධානත්වයෙන් පැවැත්විණ.
මෙම පාපැදි තරගාවලිය ඉසව් අටකින් සමන්විතය. සුපිරි කාන්තා සහ පිරිමි (රේසිං), බාලක බාලිකා, ප්‍රවීනයන්ගේ තරගය, ඇතුලු රේසිං සහ සටෑන්ඩර්ඩ් පාපැදි තරග ඊට ඇතුළත් කිරීමට නියමිතය.
අනුරාධපුර මූලස්ථාන පොළිසියේ පූර්ණ ආරක්ෂාව හා මහනගර සභාවේ සෞඛ්‍ය අංශයේ සෞඛ්‍ය මාර්ගෝපදේශවලට යටත්ව තරගාවලිය පැවැත්නවීමට නියමිතය. තරගාවලිය සදහා මේවනවිට දිවයිනේ ප්‍රධාන පෙලේ පෞද්ගලික සමාගම් රැසක් අනුග්‍රහය ලබාදීමට ඉදිරිපත් වී තිබේ.
රාමනායක Tuesday, 30 November 2021 06:10 AM
රටේ වසංගතයක් පවතින අවස්ථාවක සෞඛ්‍ය මාර්ගෝපදෙශන අනුව මෙවැනි පාපැදි තරඟ පැවැත්වීම පාපැදි ක්‍රීඩාවට වසංගතයක් උදාකරනු ඇත.
Reply 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
