(කරන්දෙණිය එම්.සුසිල් ප්‍රියන්ත)
අන්තර් ජාලය ඔස්සේ පැවති පළමු ශ්‍රී ලංකා ජාතික රැපීඩ් චෙස් තරගාවලියේ පිරිමි ශූරතාව කොළඹ ආනන්ද විද්‍යාලයේ රනිදු දිල්ෂාන් විසින් ද කාන්තා ශූරතාව සබරගමුව විශ්වවිද්‍යාලයේ ප්‍රබෝදි විජේසිංහ විසින් ද දිනා ගන්නා ලදහ.
ශ්‍රී ලංකා චෙස් සම්මේලනය සංවිධානය කල මේ චෙස් තරගාවලියට දිවයිනේ පැවති තේරීම් තරගාවලියෙන් තෝරාගත් චෙස් ක්‍රීඩකයින් 16 දෙනා අතර සහ චෙස් ක්‍රීඩිකාවන් 16 දෙනා අතර පැවැත්විණ.
තරගාවලිය නොවැම්බර් මස 13සිට 18 දක්වා අන්තර්ජාලය ඔස්සේ පැවැත්විණ.
රනිදු දිල්ෂාන් පිරිමි තරගාවලියේ ශුරතාව දිනා ගත්තේ පැවති තරග වට 15 කදී ලකුණු 13.5ක් ලබාගනිමිනි. අනුශූරතාව දිනා ගත් කොළඹ නාලන්දා විද්‍යාලයේ ලොකුගේ සුසාල් ද සිල්වාට හිමිවිය. සුසාල් ද සිල්වා එහිදී තරග වට 15 කින් ලකුණු 12.5ක් ලබා ගත්තේය. ලකුණු 11ක් ලබාගත් ප්‍රනීත් කුමාර තරගාවලියේ තෙවැනි ස්ථානය හිමිකර ගත්තේය.
කාන්තා තරගාවලිය ආරම්භයේ සිටම දැඩි තරගකාරී මුහුණුවරක් ගත් අතර පැවති තරග වට 15 කින් ලකුණු 11.5 ක් බැගින් ලබා ගත් සබරගමුව විශ්වවිද්‍යාලයේ ප්‍රබෝදි විජේසිංහ, කොළඹ මියුසියස් බාලිකා විද්‍යාලයේ සන්දුලා දහම්දි සහ කොළඹ දේවි බාලිකා විද්‍යාලයේ මෙව්නා අත්තනායක සම මට්ටමින් තරගාවලිය අවසන් කළහ. එහෙත් චෙස් ක්‍රීඩාවේ සම තත්වය බිදීමේ ක්‍රමවේදය අනුව ප්‍රබෝධි විජේසිංහට කාන්තා ශූරතාවත්, සන්දුලා දහම්දීට අනු ශූරතාවත්, මෙව්නා අත්තනායකට තරගාවලියේ තෙවැනි ස්ථානය හිමිවිය
පිරිමි තරගාවලියේ නිල ප්‍රතිපල:-
1.රනිදු දිල්ෂාන්
2.ලොකුගේ සුසාල් ද සිල්වා
3.ප්‍රනීත් කුමාර
4.ඉසුරු අලහකෝන්
5.ඒ.ඒ.සී.බී.අමරසිංහ
6.කේ.ජී.ටී.එස්.ඩී.කිරිල්ල
7.වයි.ජයවීර
8.එම්.තිසල් මංජිත්
9.බනිදු දහනායක
10.ආර්.කේ.ටි.දිසානායක
11.පමෝක් සමරනායක
12.ඩී.ඩබ්ලිව්.හෙට්ටිආරච්චි
13.ලිසර සමරදිවාකර
14.හිවිදු සමරකෝන්
15.අයි.කේ.කහන්
16.අහමඩ් ෂයීර්.
කාන්තා තරගාවලියේ නිල ප්‍රතිපල:-
1.ප්‍රබෝදි විජේසිංහ
2.සංදුලා දහම්දි
3.මෙව්නා අත්තනායක
4.එච්.එම්.ආර්.එම්.කේ.හේරත්
5.දිහන්සා ගමගේ
6.ඔෂිනි ගුණවර්ධන
7.දසුනි හංසිකා
8.එසදි නෙවන්සා
9.තරුෂි සංදීපනී
10.ඒෂා පල්ලේ
11.මිනෙත්මා වික්‍රමසිංහ
12.එච්.එම්.එම්.ඩි.හේරත්
13.සයුමි ගමගේ
14.දුලිත්මා රත්නායක
15.ඩබ්ලිව්.ඒ.සදරු
16.රුමෙත්මා තෙන්නකෝන්
 |
 |
| රනිදු දිල්ෂාන් | ප්‍රබෝදි විජේසිංහ |
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
