වසර දෙකක තාවකාලික විරාමයකින් පසුව, රෙඩ් බුල් ධීවර යාත්‍රා තරගාවලිය යළිත් ආරම්භ විය. කොළඹ වරාය නගර පරිශ්‍රයේදී මෙම තරගාවලිය පසුගියදා පැවැත්වුණු අතර, කොළඹ වරාය නගර පරිශ්‍රයේ වෙරළ තීරයේ පැවති ප්‍රථම ජල ක්‍රීඩා ඉසව්වද එයම විය.
මෙම තරගාවලියට ඔරු පැදීමේ ක්‍රීඩක ක්‍රීඩිකාවෝ, එම ක්‍රීඩාවට සම්බන්ධ ක්‍රීඩා සංගම් සාමාජික සාමාජිකාවෝ සහ වෘත්තීය ධීවරයෝ මෙන්ම, ඔරු පැදීම පිළිබඳව උනන්දුවක් දක්වන්නෝත් එක්වූහ. පුළුල් පරාසයක පැතිරුණු තරගකරුවන් හා තරගකාරියන් 70 කට අධික පිරිසක් තරගාවලියට ඉදිරිපත්ව සිටියහ.
රෙඩ් බුල් ධීවර යාත්‍රා තරගාවලිය ප්‍රථම වරට 2019 වර්ෂයේ දියවන්නා ඔයේදී පවත්වන ලදි. එහෙත් කොරෝනා වසංගතය හේතුවෙන් මෙම තරගාවලිය 2020 වසරේදී නොපැවැත්විණි.
තරගකරුවන්ගේ දක්ෂතා මැනවින් උරගා බැලෙන, බාධක ඇතුළත් වූ තරග ඉසව්, තරගකරුවන්ට මෙන්ම ප්‍රේක්ෂකයන්ටද සුවිශේෂී අත්දැකීමක් විය. කාන්තා, පිරිමි සහ මිශ්‍ර ඉසව් යටතේ තරග පැවැත්විණ.
එක් එක් තරග ඉසව්වල ශූරතා දිනුවෝ
පිරිමි තරගය - බළලු වැව මොහොමඩ් ජලීල් මොහොමඩ් සහ එම්. අජීෂ් ඛාන්
කාන්තා තරගය - කැළණියේ පී. එල්. තරුෂි දෙව්මිණි කුරේ සහ එස්. කේ. නිමේෂිකා පෙරේරා
මිශ්‍ර තරගය - කැළණිය 9 කණ්ඩායමේ පී. එස්. ප්‍රියදර්ශන සහ පී. එල්. තරුෂි දෙව්මිණි කුරේ
පිරිමි යුගල
කාන්තා යුගල
මිශ්‍ර යුගල
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
