විහඟගේ තුන් ඉරියව් දස්කම් ධර්මපාලයට ජය ගෙනෙයි

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී මීගමුව ශාන්ත පීතර විදුහලට එරෙහිව ලකුණු 13 ක ජයක් හිමිකර ගැනීමට පන්නිපිටිය ධර්මපාල විදුහල පසුගියදා සමත්විය. මෙම තරගය මිගමුව විද්‍යාලෝක ක්‍රීඩාංගණයේදී පැවැත්විණි.

අර්ධ ශතකයක් (63) සහ ලකුණු 19 කට කඩුලු 4 ක් දවාගත් විහඟ ගුණරත්නගේ තුන් ඉරියව් දස්කම් හේතුවෙන් පන්නිපිටිය ධර්මපාල විදුහලට ජය හිමිවිය.

ධර්මපාල විදුහල - ඕවර 49.3 කදී සියලුදෙනා දැවී 162
(විහඟ ගුණරත්න 63, රශ්මික ජයකොඩි 21, රුවින් සලින 25/3, ශාලුක තිළිණ 26/3)

ශා. පීතර විදුහල - ඕවර 46.4 කදී සියලුදෙනා දැවී 149
(පසිඳු නවෝද් 30, බ්‍රයන් ජුලියස් 25, රුවින් සලින 24, චානුක නිමේෂ් 22, විහඟ ගුණරත්න 19/4, කාවින්ද නිශාන් 33/2)