විදුසර ගුරුකුල විදුහලට ජය ගෙනෙයි

කැලණිය ගුරුකුල විදුහල සහ බණ්ඩාරවත්ත පරාක්‍රම මහ විදුහල අතර මහර බන්ධනාගාර ක්‍රීඩාංගණයේදී පැවැති අන්තර් පාසල් වයස 13 න් පහළ ‘සිංගර් කුසලාන’ ක්‍රිකට් තරගාවලියේ I කොටසේ තරගයෙන් ඉනිමක සහ ලකුණු 13 ක ජයක් අත්කර ගැනීමට ගුරුකුල විදුහල සමත් විය.

හරිඳු විදුසර පරාක්‍රම මහ විදුහල් පළමු ඉනිමේදී ලකුණු 2 කට කඩුලු 5 ක්ද, දෙවැනි ඉනිමේදී ලකුණු 43 කට කඩුලු 5 ක්ද දවාගනිමින් ගුරුකුල විදුහලේ ජයග්‍රහණයට මග පැදුවේය.

ගුරුකුල විදුහල පළමු ඉනිම - ඕවර 46 කදී කඩුලු 6 ක් දැවී 137
(සෙනෙෂ් සුලෝචන 43, මොහොමඞ් මුර්ෂිඞ් 36, එච්. ඩී. බටුවන්ගල 16/2, පී. බී. රාජනායක 17/2)

පරාක්‍රම මහ විදුහල පළමු ඉනිම - ඕවර 29 කදී සියලු දෙනා දැවී 46
(හරිඳු විදුසර 2/5)

පරාක්‍රම මහ විදුහල දෙවැනි ඉනිම - ඕවර 30 කදී සියලු දෙනා දැවී 78
(එච්. ඩී. බටුවන්ගල 35, හරිඳු විදුසර 43/5, කවීෂ තේෂාන් 10/2, දනිදු හසිත් 15/2)