වොලිබෝල් රන් පදක්කම් දෙකම වයඹට

මාතර කොටවිල ක්‍රීඩා සංකීර්ණයේදී ඊයේ (24) නිමාව දුටු 43 වැනි ජාතික මහ ක්‍රීඩා උළෙලේ වොලිබෝල් කාන්තා හා පිරිමි රන් පදක්කම්  දෙකම දිනා ගැනීමට වයඹ පළාත සමත් විය.

වයඹ පළාත් කණ්ඩායම හා සබරගමුව පළාත් කණ්ඩායම අතර පැවැති පිරිමි අවසන් මහා තරගය වට 3-0 (25/19, 25/19, 25/22) කට ජය ගැනීමට වයඹ ක්‍රීඩකයෝ සමත් වූහ. ලකුණු 25/20, 25/15, 25/21 ක් ලෙසින් බස්නාහිර පළාත් පිල පරාජය කළ වයඹ ක්‍රීඩිකාවෝ කාන්තා වොලිබෝල් රන් පදක්කම දිනා ගත්හ. 

ජාතික මහා ක්‍රීඩා උළෙල ඉතිහාසය පුරා එහි වොලිබෝල් තරග මාලාවේදී පදක්කම් සතු කරගෙන සිටින වයඹ පළාත එය තවදුරටත් තහවුරු කර ගැනීමට මෙම ජයග්‍රහණ හමුවේ සමත්ව තිබේ.