ශ්‍රී ලංකා ක්‍රීඩකයෝ ඕස්ට්‍රේලියාව පරදවති

චීන තායිපේහිදී දැන් පැවැත්වෙන 18 වැනි ආසියානු කනිෂ්ඨ පිරිමි වොලිබෝල් තරගාවලියේදී ප්‍රබල ඕස්ට්‍රේලියාව තරග වට 3-1 කින් පරාජය කිරීමට ශ්‍රී ලංකා ක්‍රීඩකයෝ සමත්වුහ. තරගයේ ලකුණු තත්ත්වය 23/25, 25/23, 25/19 ක් සහ ලකුණු 25/16 ක් ලෙස සටහන් විය.

ආසියානු වොලිබෝල් සංගමය මෙහෙයවීමෙන් ආසියානු කලාපයේ රටවල් 16 ක් කාණ්ඩ හතරකට බෙදී තරග කරන මෙම තරගාවලියේ ශ්‍රී ලංකාව අයත් වන්නේ ‘ඩී’ කාණ්ඩයෙනි.

ශ්‍රී ලංකාව, ඕස්ට්‍රේලියාව, කොරියාව සහ බහරේන් ‘ඩී’ කාණ්ඩයට ඇතුළත්ව තිබේ.