(නාමල් පතිරගේ)
ශ්‍රී ලංකාවේ ක්‍රීඩකයකු ජාත්‍යන්තර තරගයකදී රැස් කළ අවසන් ගෝලය වන්නේ වසර 2019 අගෝස්තු 31 වැනිදා බහරේනයේදී එක්සත් අරාබි එමීර් රාජ්‍යයට එරෙහිව පැවති සුහද ජාත්‍යන්තර තරගයකදී මොහොමඩ් ඉක්බාල් ලබාගත් ගෝලයයි. එහෙත් එම තරගය ශ්‍රී ලංකාව ගෝල 5-1 කින් පරාජය වී තිබේ.
ජාත්‍යන්තර පාපන්දු තරගයක් ශ්‍රී ලංකාව ජයගත් අවසන් අවස්ථාව බංග්ලාදේශයට එරෙහිව සුහද තරගයකදී ගෝල 1-0ක් ලෙස ජය ලැබීමය. ඒ වසර 2019 අගෝස්තු 29 වැනිදාය.
ලෝක කුසලාන 2022 ආසියානු කලාප දෙවැනි වටයට ශ්‍රී ලංකාව ප්‍රවේශ වූයේ ශ්‍රී ලංකාව හා තරග වැදීමට සූදානමින් සිටි මැකාවෝ රාජ්‍ය පාපන්දු කණ්ඩායම ශ්‍රී ලංකාවට පැමිණීම ප්‍රතික්ෂේප කිරීමෙන් හිමි වූ නිතරග ජය හේතුවෙනි. එම තරගයේ ජය ශ්‍රී ලංකාවට ප්‍රදානය වූයේ ගෝල 3-0 ක් ලෙස සැලකිල්ලට ගැනීමෙනි.
2022 කටාර් ලෝක කුසලාන ආසියානු කලාපීය සුදුසුකම් තේරීමේ දෙවැනි වටයේදී ශ්‍රී ලංකාව මෙතෙක් සහභාගි වූ තරග ප්‍රතිඵල
♦ තුර්ක්මෙනිස්තානයට එරෙහිව ගෝල 2-0 ක පරාජයක්
♦ උතුරු කොරියාවට එරෙහිව ගෝල 1-0 ක පරාජයක්
♦ දකුණු කොරියාවට එරෙහිව ගෝල 8-0 ක පරාජයක්
♦ ලෙබනනයට එරෙහිව ගෝල 3-0 ක පරාජයක්
♦ තුර්ක්මෙනිස්තානයට එරෙහිව ගෝල 2-0 ක පරාජයක්
2021 මැයි 27 වැනිදා ලෝක පාපන්දු සම්මේලනය කළ නවතම ශ්‍රේණිගත කිරීම් අනුව දකුණු කොරියාව 28 වැනි ස්ථානය ද (ආසියාවේ 3), ලෙබනනය 93 වැනි ස්ථානය ද (ආසියාවේ 14) හා ශ්‍රී ලංකාව 204 වැනි ස්ථානය ද (ආසියාවේ 44) පසුවේ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
