ශා. සිල්වෙස්ටර් විදුහලට ඉනිමක ජයක්

ගිරිඋල්ල වික්‍රමශීලා මැදි විදුහල සහ මහනුවර ශාන්ත සිල්වෙස්ටර් විදුහල අතර ගලගෙදර සරත් අමුණුගම ක්‍රීඩාංගණයේදී පැවැති අන්තර් පාසල් වයස 13 න් පහළ ‘සිංගර් කුසලාන’ ක්‍රිකට් තරගාවලියේ I කොටසේ තරගයෙන් ඉනිමක සහ ලකුණු 58 ක ජයක් අත්කර ගැනීමට ශාන්ත සිල්වෙස්ටර් විදුහල සමත් විය.

එහිදී ශාන්ත සිල්වෙස්ටර් විදුහලේ ධර්මදේවන් දනුෂ් ලකුණු 56 ක් රැස්කරමින් සහ ලකුණු 9 කට කඩුලු 5 ක් දවාගනිමින්ද, කල්හාර ප්‍රේමරත්න නොදැවී ලකුණු 59 ක් රැස්කරමින් සහ ලකුණු 19 කට කඩුලු 3 ක් දවාගනිමින්ද දස්කම් දැක්වූහ.

වික්‍රමශීලා මැදි විදුහල පළමු ඉනිම - ඕවර 23.2 කදී සියලු දෙනා දැවී 55
(ධර්මදේවන් දනුෂ් 9/5, කල්හාර ප්‍රේමරත්න 19/3)

ශාන්ත සිල්වෙස්ටර් විදුහල පළමු ඉනිම - ඕවර 24.1 කදී කඩුලු 3 ක් දැවී 153
(කල්හාර ප්‍රේමරත්න නොදැවී 59, ධර්මදේවන් දනුෂ් 56)

වික්‍රමශීලා මැදි විදුහල දෙවැනි ඉනිම - ඕවර 18.1 කදී සියලු දෙනා දැවී 40
(කසුන් ලියනගේ 9/6, ඔසද හීන්කෙන්ද 14/3)