ශා. සේවියර් පෙරළියෙන් ධම්මිස්සර පරදී

එදා මෙදා තුර මෙරට පාසල් වොලිබෝල් ක්‍රීඩාවේ සුවිශේෂී තැනක් ලබා සිටින නාත්තන්ඩිය ධම්මිස්සර විදුහල පරදවමින් ඩී.එස්.අයි. පාසල් වොලිබෝල් තරගමාලාවේ 16 න් පහළ බාලක ශූරතාව දිනා ගැනීමට මාරවිල ශාන්ත සේවියර් විදුහල් ක්‍රීඩකයෝ සමත්වුහ.

මහරගම තරුණ සේවා සභා ගෘහස්ත පිටියේදී අද (16) තරග වට 3-1 ක් දක්වා පැවැති මෙම තරගයෙන් සේවියර් විදුහල ජයගත්තේ 25/17, 21/25, 25/20 ක් සහ 25/19 ක් ලෙසිනි.

ශාන්ත සේවියර් විදුහලේ මිලින්ද නිර්මාල්, නවෝද් කෞෂල්‍ය පිළිවෙලින් 16 න් පහළ බාලක දක්‍ෂතම ක්‍රීඩකයා සහ දක්‍ෂතම පන්දු ඔසවන්නා ලෙස තේරී පත්වුහ. දක්‍ෂතම ප්‍රහාරකයාට හිමි සම්මානය දිනා ගත්තේ ධම්මිස්සර විදුහලේ සොහාන් රිසින්ය.

අවසන් වරට 2013 දී පැවැති තරගාවලියේ 16 න් පහළ බාලක ශූරතාව දිනා ගන්නා ලද්දේ රුවන්වැල්ල රාජසිංහ විදුහල විසිනි.