ශා.සෙබස්තියන් විදුහල අර්ධ අවසන් පූර්ව වටයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ අර්ධ අවසන් පූර්ව තරගය සඳහා සුදුසුකම් ලබාගැනීමට මොරටුව ශාන්ත සෙබස්තියන් විදුහල සමත්විය.

මොරටුව ශාන්ත සෙබස්තියන් විදුහල් ක්‍රීඩාංගණයේදී පැවැති පෙර අර්ධ අවසන් පූර්ව තරගයේදී කොළඹ තර්ස්ටන් විදුහලට එරෙහිව ලකුණු 6 ක ජයක් අත්කර ගැනීමට ශාන්ත සෙබස්තියන් විදුහල සමත්විය.

ශාන්ත සෙබස්තියන් විදුහල වෙනුවෙන් සුකිත ප්‍රසන්නද (60), තර්ස්ටන් විදුහල වෙනුවෙන් සනුත් නන්දිනු (72), රනේෂ් සිල්වා (66) සහ බවන්ත ජයසිංහ (50) අර්ධ ශතක ලබාගනිමින් පිත්තෙන් දස්කම් දැක්වූහ.

තුන් ඉරියව් දස්කම් පෑ බවන්ත ජයසිංහ කඩුලු 4 ක් ද දවාගනිමින් පන්දුවෙන් දස්කම් දැක්වීය.

ශා.සෙබස්තියන් විදුහල - ඕවර 50 කදී කඩුලු 9 ක් දැවී 236
(සුකිත ප්‍රසන්න 60, දුනිත් ජයතුංග 35, ජනිෂ්ක පෙරේරා 33, බිහඟ මෙන්ඩිස් 25, නදීර ප්‍රනාන්දු 22, බවන්ත ජයසිංහ 43/4, හිරුදිත් හේමචන්ද්‍ර 44/4)

තර්ස්ටන් විදුහල - ඕවර 47.2 කදී සියලුදෙනා දැවී 230
(සනුත් නන්දිනු 72, රනේෂ් සිල්වා 66, බවන්ත ජයසිංහ 50, ජනිෂ්ක පෙරේරා 22/3)