(ශානුක අරවින්ද)
ශ්‍රී ලංකා මෝටර් රථ ක්‍රීඩා සම්මේලනයේ වැඩ කටයුතු සොයා බලා ඉදිරියට කරගෙන යෑම සඳහා තමා විසින් කරනු ලැබූ ෂේන් ගුණවර්ධන මහතාගේ පත්කිරිම වහාම ක්‍රියාත්මක වන පරිදි අවලංගු කරන බව ක්‍රීඩා අධ්‍යක්ෂ ජනරාල් මහාචාර්ය ෂේමාල් ප්‍රනාන්දු මහතා අද (22 වැනිදා) ලිපියක් මගින් ගුණවර්ධන මහතාට දැනුම්දී ඇත.
ක්‍රීඩා අමාත්‍ය ධූරයේ කටයුතු කරන අගමැතිනි අචාර්ය හරිනි අමරසූරිය මෙනවියගේ පෞද්ගලික ලේකම්, ක්‍රීඩා අමාතංශයේ ලේකම්, ජාත්‍යන්තර මෝටර් රථ ක්‍රීඩා සම්මේලනයේ සභාපතිවරයා, ආසියානු මෝටර් රථ ක්‍රීඩා සංගමයේ සභාපතිවරයා වෙතද මෙම ලිපියේ පිටපත් යොමුකිරීමට අධ්‍යක්ෂ ජනරාල්වරයා කටයුතු කර තිබේ.
අදාල පත්වීම අවලංගු කරන බව පමණක් උක්ත ලිපියේ සඳහන් වන අතර ඒ සඳහා කිසිදු හේතුවෙන් හෝ පැහැදිළි කිරිමක් ලිපියේ අන්තර්ඝත නොවේ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
