සබුද්ධි සාහිත්‍ය කවය දෙවැනි වරටත් සංවිධානය කරන සබුද්ධි ක්‍රීඩා සාහිත්‍ය සම්මාන ප්‍රදානෝත්සවය හෙට (3 වැනිදා) පස්වරු 3.00 ට රිඩ් මාවත ක්‍රීඩා අමාත්‍යාංශ ශ්‍රවණාගාරයේදී පැවැත්වේ. මෙවර සම්මාන ප්‍රදානෝත්සවයේ විශේෂත්වය ඇගයීමේ සම්මාන 18 ක් ප්‍රදානය කෙරෙන අතර වසරේ ක්‍රීඩා සාහිත්‍යවේදියාට හිමි වන රන් සම්මානය සමග ඔහුට බන්දුල වර්ණපුර අනුස්මරණ කුසලාන ප්‍රදානය කෙරේ.
ශ්‍රී ලංකා ටෙලිකොම් - මොබිටෙල් අනුග්‍රහයෙන් මෙවරත් ක්‍රීඩා සම්මාන ප්‍රදානය සංවිධානය කෙරේ. උත්සවයේ ප්‍රධාන ආරාධිතයා වන්නේ ක්‍රීඩා ඇමැති නාමල් රාජපක්ෂ මහතාය. ටෙලිකොම් ආයතනයේ සභාපති රොහාන් ප්‍රනාන්දු මහතා මෙහි විශේෂ ආරාධිතයා ලෙස ඇරයුම් ලබා තිබේ.
මේ වසරේ සිට, වසරේ ක්‍රීඩා ඡායාරූපය, වසරේ ක්‍රීඩා ප්‍රකාශන ආයතනය, වසරේ ක්‍රීඩා සාහිත්‍ය කෘතිය, වසරේ ක්‍රීඩා සාහිත්‍ය පර්යේෂණ කෘතිය හා තවත් විශේෂ සම්මාන හතරක් ප්‍රදානය කෙරේ.
මෙම ක්‍රීඩා සම්මාන ප්‍රදානෝත්සවයේදී මුද්‍රිත, විද්‍යුත් හා සමාජ ජාලා යන ප්‍රධාන මාධ්‍ය කාණ්ඩ වල දක්ෂයන් ඇගයීමට කටයුතු කෙරේ. ශ්‍රී ලංකාවේ ක්‍රීඩා සාහිත්‍ය වෙනුවෙන් කළ සේවය සඳහා, ජීවිතයටම එක්වරක් පමණක් පිරිනැමෙන රන් සම්මානයද මීට ඇතුළත්ය.
කොවිඩ් නිවාරණ සෞඛ්‍ය ක්‍රවේදයන්ට අනුගත වෙමින් මෙම උත්සවය සංවිධානය කෙරෙන බව එහි සංවිධායකයෝ ප්‍රකාශ කරති.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
