Reply To:
Eranda - cb chds hcdsh cdshcsdchdhd
ස්පාඤ්ඤයේ පළමු පෙළ පාපන්දු ක්රීඩා සමාජයක් වන රියල් මැඩ්රිඩ් කණ්ඩායමේ පුහුණුකරු ලෙස කටයුතු කළ ප්රංශ ජාතික සිනෙඩින් සිඩෑන් අද එම තනතුරෙන් ඉල්ලා අස්වී ඇත. සිඩැන් පුහුණුකරු තනතුර දැරූ කාල වකවානුව තුළ ශූරතා 11 ක් දිනාගැනීමට රියල් මැඩ්රිඩ් කණ්ඩායම සමත් විය.
කෙසේ වුවත් මෙවර (2021) ලා ලීගා පාපන්දු ලීගයේ ශූරතාව දිනාගැනීමට රියල් මැඩ්රිඩ් කණ්ඩායමේ ප්රභලම ප්රතිවාදීන් වන ඇට්ලෙටිකෝ මැඩ්රිඩ් කණ්ඩායම සමත් වූ අතර රියල් මැඩ්රිඩ් කණ්ඩායමට එහි අනු ශූරතාවයෙන් සෑහීමකට පත්වීමට සිදුවිය.
මෙවර තරග වාරය නිමා වීමෙන් අනතුරුව තමා රියල් මැඩ්රිඩ් කණ්ඩායමේ පුහුණුකරු තනතුරෙන් ඉවත්වන බව තරග වාරය නිමා වීමට තරග 2 ක් ඉතිරිව තිබියදීම සිඩෑන් කණ්ඩායමේ ක්රීඩකයන්ට පවසා තිබිණ.
මේ වන විට 48 වැනි වියේ පසුවන සිඩෑන් රියල් මැඩ්රිඩ් කණ්ඩායමේ පුහුණුකරු තනතුරෙන් ඉවත් වූ දෙවැනි අවස්ථාව මෙය විය. මින් පෙර 2018 වසරේදීද සිඩෑන් කණ්ඩායමේ පුහුණුකරු තනතුරෙන් ඉවත්වූ අතර ඒ වන විට කණ්ඩායම පිට පිටම තෙවැනි වරටත් ලා ලිගා පාපන්දු ශූරතාව දිනා සිටියේය. කෙසේ වුවත් ඉන් මාස 10 කට පසුව ඔහු නැවත වරක් පුහුණුකරු ලෙස කණ්ඩායම සමග එක්විය.
ගෙවී ගිය වසර රියල් මැඩ්රිඩ් කණ්ඩායමට එතරම් සාර්ථක වසරක් නොවූ අතර ශූරයන්ගේ ලීග තරගාවලියේ අවසන් පූර්ව වටයේදී ඔවුහු චෙල්සි කණ්ඩායම හමුවේ පරාජයට පත් විය. ස්පාඤ්ඤෙයේ වාර්ෂික පාපන්දු තරගාවලියක් වන කෝපා ඩෙල් රේ තරගාවලියේදී රියල් මැඩ්රිඩ් කණ්ඩායම පරාජය කිරීමට තෙවැනි පෙළ කණ්ඩායමක් වන ඇල්කොයානෝ කණ්ඩායම සමත් විමද ඊට ප්රබලම සාධකයක් ලෙස දැක්විය හැකිය.
ප්රංශ පාපන්දු කණ්ඩායමේ හිටපු නායකයකු වූ සිඩෑන්, 1998 වසරේදී පාපන්දු ලෝක කුසලාන දිනාගත් ප්රංශ කණ්ඩායමේ සාමාජිකයකු මෙන්ම එහි අවසන් මහ තරගයේ වීරයාද විය. ඊට අමතරව ඔහු ලෝක පාපන්දු සම්මේලනය විසින් නම් කරන ලද වසරේ පාපන්දු ක්රීඩකයා ලෙසද අවස්ථා 3 කදී සම්මාන දිනා ඇත.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.