සුනිල් ගුණවර්ධන ක්‍රිකට් පිටියට
මහනුවර දිස්ත්‍රික්කයේ වයස අවුරුදු 19න් පහල ක්‍රිකට් ක්‍රීඩක ක්‍රීඩිකාවන්ගේ කායික සහ මානසික ඒකාග්‍රතාව වර්ධනය කිරීමේ දෙදින සැසියක් පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී සිකුරාදා (9 වැනිදා) ආරම්භ විය. ප්‍රවීණ මලල ක්‍රීඩා උපදේශකවරයකු වන සුනිල් ගුණවර්ධන මහතා උපදේශකවරයකු ලෙසින් ඊට සම්බන්ධ වෙයි.
ශ්‍රී ලංකා ක්‍රිකට් ආයතනයේ ජාතික සංවර්ධන ක්‍රියාවලිය වන ‘ක්‍රිකට් ගමට‘ වැඩසටහන යටතේ දිස්ත්‍රික්ක 25 ම ආවරණය කරමින් මෙම වැඩසටහන ක්‍රියාත්මක කෙරෙයි. දිවයිනේ සියලුම දිස්ත්‍රික්ක වල වයස අවු 17 න් පහළ සහ 19 න් පහල බාලක සහ බාලිකා කණ්ඩායම් වෙනුවෙන් මෙම වැඩසටහන ක්‍රියාත්මක කෙරෙයි.
මෙම වැඩසටහනේ පළමුවැන්න පසුගිය ජූලි මාසයේදී මාතලේ දිස්ත්‍රික්කයේ පැවැති අතර, අනුරාධපුර සහ පොලොන්නරුව දිස්ත්‍රික්ක තුලදී ද පුහුණු වැඩසටහන් ක්‍රියාත්මක කෙරිණ.
- 213
