රිඩ් මාවත ක්‍රීඩා සංකීර්ණයේදී අද (11 වැනිදා) පැවැත්වීමට සූදානම් කර තිබූ නාවලපිටිය අප්කන්ට්‍රි ලයන්ස් කණ්ඩායම සහ ඩිෆෙන්ඩර්ස් (යුද හමුදා) කණ්ඩායම අතර සුපර් ලීග් පාපන්දු තරගය නැවත දැනුම් දෙනතුරු කල් දැමීමට ශ්‍රී ලංකා පාපන්දු සම්මේලනය අද සවස තීරණය කළේය. මෙම තරගය පස්වරු 4.00 ට ආරම්භ කිරීමට සූදානම් කර තිබියදී ඉහත තීරණය ගනු ලැබිණ.
ඊට අමතරව මෙම 17 වැනිදා සිට පැවැත්වීමට සූදානම් කර තිබූ සුපර් ලීග් තරගාවලියේ ඉතිරි තරගත් දින නියමයකින් තොරව කල් දමා තිබේ.
රජයේ සෞඛ්‍ය අංශ විසින් දෙන ලද උපදෙස් පරිදි තමන්ට ඉදිරි වැඩසටහන් අත්හිටුවීමට සිදුව ඇතැයි පෙන්වා දුන් පාපන්දු සම්මේලන සභාපතිවරයා, එම නියමයන්ට අනුකූලව, මෙම 21 වැනිදා දඹුල්ල ‘ජෙට්වින්’ හෝටලයේදී පැවැත්වීමට සූදානම් කර තිබූ ශ්‍රී ලංකා පාපන්දු සම්මේලනයේ විශේෂ මහ සභා රැස්වීම ද කල් දමන බවද වැඩිදුරටත් පැවැසීය.
- 223
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
