දෙවැනි වරටත් පැවැත්වෙන ලංකා ප්‍රීමියර් ලීග් තරගාවලියට සහභාගිවන කලම්බු ස්ටාර්ස් කණ්ඩායමේ හිමිකාරීත්වය සොෆ්ට්ලොජික් හෝල්ඩිංග්ස් සමාගම විසින් මිලදීගෙන තිබේ.
ලංකා ප්‍රිමියර් ලීග් තරගාවලියෙහි කොළඹ පදනම් කරගත් කණ්ඩායමේ නව හිමිකරු ලෙස සොෆ්ට්ලොජික් හෝල්ඩිංග්ස් සමාගමෙහි නිර්මාතෘ සහ සභාපති අශෝක් පතිරගේ මහතා පත්වී තිබේ. දෙසැම්බර් 05 වැනිදා ආරම්භ වන එල්.පී.එල් තරඟාවලිය දෙසැම්බර් 23 වැනිදා අවසන් වේ.
”ලංකා ප්‍රිමියර් ලීග් තරගාවලියට පිවිසීම පිළිබඳව අපි අතිශයින් සතුටට පත්වෙනවා. මෙම තරඟාවලිය ලෝකයේ වැඩිම ඉල්ලුමක් ඇති විස්සයි20 තරගාවලියන්ගෙන් එකක් බවට පත්වීමට නියමිතව තිබෙනවා”
“ඉදිරි වසර කිහිපය තුළ තරඟාවලියේ වර්ධනයට සහ විකාශනයට දායක වීමට අපට අවශ්‍ය වුනා. තරගාවලිය ආරම්භ වන තෙක් අපට ඉවසීමක් නෑ. අපගේ කණ්ඩායම උපරිමයෙන් ක්‍රීඩා කර හොඳම ප්‍රතිඵල ලබා දෙනු ඇතැයි බලාපොරොත්තු වෙනවා” යැයි සොෆ්ට්ලොජික් හෝල්ඩිංග්ස් සමාගමෙහි සභාපති අශෝක් පතිරගේ මහතා පැවසීය.
- 2079
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
