(ශානුක අරවින්ද)
සැම්බියාවේ ලුසාකා නුවරදී පැවැති සැම්බියා ජාත්‍යන්තර බැඩ්මින්ටන් තරගාවලියේ කාන්තා යුගල ඉසව්වේ රිදී පදක්කම් දිනා ගැනීමට ශ්‍රී ලංකාවේ හසිනි අම්බලන්ගොඩගේ සහ හසාරා විජේරත්න සමත් වූහ.
අවසන් මහ තරගයේදී මාලදිවයිනේ ඒ. අබ්දුල් රසාක් සහ එෆ්. අබ්දුල් රසාක් හමුවේ පරාජයට පත්වීම හේතුවෙන් හසාරාට සහ හසිනිට එම ඉසව්වේ රන් පදක්කම දිනාගැනීම තිබූ අවස්ථාව අහිමි වූහ.
කාන්තා යුගල අවසන් මහ තරගයේදී දක්ෂ ලෙස තරග වැදුණු හසිනි සහ හසාරාට දැඩි අභියෝගයක් එල්ල කළ මාලදිවයින් ක්‍රීඩිකාවන් වට 2-0 ක් ලෙස තරගය ජයගත් අතර එහි ලකුණු තත්ත්වය සටහන් වූයේ 21-17 ක් සහ 21-19 ක් ලෙසිනි.
සැම්බියා ජාත්‍යන්තර බැඩ්මින්ටන් තරගාවලියෙන් අනතුරුව හසිනි සහ හසරා සිය මීළඟ තරගාවලිය සඳහා බොට්ස්වානා බලා යෑමට නියමිතය. බොට්ස්වානාහි ඔට්සේ පොලිස් විදුහල් ගෘහස්ත ජිම්නාස්ටික් ක්‍රීඩා සංකීර්ණයේ පැවැත්වෙන ජාත්‍යන්තර බැඩ්මින්ටන් තරගාවලිය මේ මස 21 වැනිදා සිට 24 දක්වා පැවැත්වීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
