කොළඹ ඞී. එස්. සේනානායක විද්‍යාලයීය ආදි ශිෂ්‍ය සංගමයට අනුබද්ධ බැඩ්මින්ටන් සංවර්ධන පදනම සිව්වැනි වරටත් සංවිධානය කරන ‘ඞී. එස්. ස්මැශෂ්’ දීප ව්‍යාප්ත බැඩ්මින්ටන් තරගාවලිය ජනවාරි මස 7 වැනිදා සිට 13 වැනිදා දක්වා එම විදුහල් ගෘහස්ත කී‍්‍රඩාංගණයේදී පැවැත්වේ.
මෙම තරගාවලියේදී බාලක සහ බාලිකා අවුරුදු 11 න් පහළ, 13 න් පහළ, 15 න් පහළ, 17 න් පහළ සහ 19 න් පහළ යන වයස් කණ්ඩ යටතේ කේවල සහ යුගළ ලෙස තරග පැවැත් වීමට නියමිතය.
තරගාවලියේ ජයග‍්‍රහක ජයග‍්‍රාහිකාවන්ට සහතිකපත් සහ ත්‍යාග පිරිනැමෙන අතර සහභාගීත්වය සඳහාද සහතිකපත් පිරිනැමීමට සංවිධායකයෝ සූදානමින් සිටිති.
මේ සඳහා තම අයැදුම්පත් ඞී. එස්. සේනානායක විද්‍යාලයීය ආදි ශිෂ්‍ය සංගමයට යොමුකළ යුතු අතර අයැදුම්පත් බාරගැනීම 23 වැනිදායින් අවසන් වේ. 0777 761732 (මංජුල) සහ 0773 767728 (වසන්ත) යන දුරකථන අංක ඔස්සේ තරගාවලිය සම්බන්ධව වැඩිදුර තොරතුරු දැනගත හැකිය.
- 036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
