ශී‍්‍ර ලංකා රේසිං ධාවකයන්ගේ සංගමය සහ ගාල්ල යතුරුපැදි කී‍්‍රඩා සමාජය එක්ව ප‍්‍රථම වරට සංවිධානය කරන ‘ගාලූ මොටෝක්‍රොස් 2014’ යතුරුපැදි තරගාවලිය මේ මස 23 වැනිදා ගාල්ල, අක්මීමන කෙසෙල්ගස්හේන ධාවනපථයේදී පැවැත්වේ.
ප‍්‍රධාන පෙළේ මොටෝක්‍රොස් යතුරුපැදිකරුවන් වන ගයාන් සඳරුවන්, ඉෂාන් දසනායක, ශෙහාන් සී. අධිකාරි, සමීර පේ‍්‍රමරත්න, රුමීෂ බුල්ජන්ස්, ළහිරු ජීවන්ත සහ ශානුක සඳරුවන් ඇතුළු යතුරුපැදිකරුවෝ 100 කට අධික සංඛ්‍යාවක් මෙම තරගාවලිය සඳහා සහභාගීවෙති.
මෙහිදී යතුරුපැදි තරග 17 ක් පැවැත්වෙන අතර ඊට වයස 10 න් පහළ ළමුන් සඳහා පැවැත්වෙන තරග 2 ක් සහ වයස 13 න් පහළ ළමුන් සඳහා පැවැත්වෙන තරග 2 ක්ද ඇතුළත්වේ.
සෑම තරගයකම ප‍්‍රථම ස්ථානයේ සිට පස්වැනි ස්ථානය දක්වා සහතිකපත්, කුසලාන සහ මුදල් ත්‍යාගද පිරිනැමීමට නියමිත අතර මොටෝක්‍රොස් තරගාවලියක ජයග‍්‍රහකයකුට හිමිවන ඉහළම මුදල් ත්‍යාගයද පිරිනැමීමට සංවිධායක මණ්ඩලය සූදානමින් සිටී.
ඒ අනුව එම්. එක්ස්. කාණ්ඩයේ (සි. ධා. 125 සිට සි. ධා. 250 දක්වා) මොටෝක්‍රොස් යතුරුපැදි තරග 2 ජයගන්නා යතුරුපැදිකරුවාට රුපියල් 50,000 ක මුදලක් හිමිවේ. එහි දෙවැනි ස්ථානයට මුදලින් රුපියල් 40,000 ක්ද, තෙවැනි ස්ථානයට මුදලින් රුපියල් 30,000 ක්ද ලබාදීමට නියමිතය.
- 036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
