මින්නේරිය කාලතුවක්කු යුද හමුදා ධාවන පථයේදී පැවැති 9 වැනි ‘ගනර්ස් සුපර් ක්‍රොස්’ තරගාවලියේදී ජයග‍්‍රහණ 16 ක් දිනාගැනීමට සියැට් ධාවක කණ්ඩායම සමත්වී ඇත.
ඊට පළමු ස්ථාන 2 ක්, දෙවැනි ස්ථානයක් තෙවැනි ස්ථාන 5 ක්, සිව්වැනි ස්ථාන 5 ක් සහ පස්වන ස්ථාන 3 ක් ඇතුළත් වේ.
සියැට් කණ්ඩායම දිනාගත් පළමු ස්ථාන 2 ටම හිමිකම් කීමට ප‍්‍රවීණ මෝටර් රථ ධාවක උපුල්වන් සේරසිංහ සමත්වූ අතර ලක්මාල් විජේරත්න දෙවැනි ස්ථානයට හිමිකම් කීමට සමත්විය.
ජනක ඩයස් මෝටර් රථ අංශයේ තෙවැනි ස්ථාන 2 ක් දිනාගෙන ඇති අතර ප‍්‍රසන්ද ද අල්විස් එක් තෙවැනි ස්ථානයක් දිනාගෙන ගත්තේය. යතුරුපැදි අංශයෙන් සියැට් කණ්ඩායම දිනාගත් තෙවැනි ස්ථාන දෙකටම හිමිකම් කීමට ජැක්ස් ගුණවර්ධන සමත්විය.
උපුල්වන් සේරසිංහ, ජනක ඩයස්, ලක්මාල් විජේරත්න, ලලින් කිරින්ද, ප‍්‍රසන්න ද අල්විස්, උෂාන් පෙරේරා, පසිඳු පීරිස්, ලෙෆ්ටිනන් කර්නල් දුමින්ද ජයසිංහ, ලෙෆ්ටිනන් කර්නල් ඉන්දු සමරකෝන්, ජැක්ස් ගුණවර්ධන සහ දේෂාන් සෝලංකි යන කී‍්‍රඩකයෝ මේ වසරේ සියැට් ධාවක කණ්ඩායම නියෝජනය කරති.
- 036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
