ඉදිරිපෙළ ආරම්භක ස්ථානය අශාන්ට

සාලියපුර, ගජබා රෙජිමේන්තු ධාවන පථයේදී අද (30 වැනිදා) පැවැත්වෙන ‘ගජබා සුපර් ක්‍රොස් 2015’ තරගාවලිය සඳහා ඊයේ පැවැති කාලය මැනීමේ තරග වලදී ප‍්‍රධානතම මෝටර් රථ ඉසව්ව වන එස්. එල්. ජී. ටී. කාණ්ඩයේ (සිලින්ඩර ධාරිතාව 3500 දක්වා) මෝටර් රථ තරගයේ හොඳම කාලය වාර්තා කළ අශාන් සිල්වා, එම ඉසව්වේ ඉදිරිපළ ආරම්භක ස්ථානය දිනාගැනීමට සමත් විය. එම තරගයේ එක් වටයක් නිමා කිරීම සඳහා ඔහුට ගත වූ අවම කාලය තත්ත්පර 54.367 කි.

තත්ත්පර 54.760 කින් එක් වටයක් නිමා කළ උෂාන් පෙරේරා එම ඉසව්වේ දෙවැනි ආරම්භක ස්ථානයත්, තත්. 55.256 කින් එක් වටයක් නිමා කළ අරවින්ද පේ‍්‍රමදාස එහි තෙවැනි ආරම්භක ස්ථානයත් හිමිකරගත්හ.

එස්. එල්. එච්. කාණඩයේ (සිලින්ඩර ධාරිතාව 1600 දක්වා) මෝටර් රථ තරගයේ හොඳම කාලය (තත්. 58.821) වාර්තා කිරීමට සජාඞ් සුහේර් සමත් වූ අතර එස්. එල්. එස්. කාණ්ඩයේ (සිලින්ඩර ධාරිතාව 1500 දක්වා) විශේෂ මෝටර් රථ තරගයේ හොඳම කාලය (තත්. 56.803) වාර්තා කිරීමට සකීර් වහබ් සමත් විය.

කළකට පසු ට‍්‍රක් සහ ජීප් කාණ්ඩයේ මෝටර් රථ තරගයට සහභාගී වූ දිනේෂ් ජයවර්ධන එහි හොඳම කාලය (තත්. 58.032) වාර්තා කිරීමට සමත්වීම කැපී පෙනෙන සිදුවීමක් විය.

එස්. එල්. එන්. කාණ්ඩයේ (සිලින්ඩර ධාරිතාව 1500 දක්වා) ෆෝඞ් ලේසර්/මැස්ඩා මෝටර් රථ තරගයේ හොඳම කාලය වාර්ථා කිරීමට උපුල්වන් සේරසිංහ (විනාඩි 1:01.346) සමත් වෙද්දී, එස්. එල්. එන්. කාණ්ඩයේම (සිලින්ඩර ධාරිතාව 1300 දක්වා* ෆෝඞ් ලේසර්/මැස්ඩා මෝටර් රථ තරගයේ හොඳම කාලය වාර්ථා කිරීමට කුෂාන් පීරිස් (විනාඩි 1:04.191) සමත් විය.

ඊයේ පැවැති කාලය මැනීමේ තරග වලට සහභාගී වූ කී‍්‍රඩකයන් කිහිප දෙනෙකුටම සිය මෝටර් රථවල බර ප‍්‍රමාණයන්, තිබිය යුතු නියමිත බර ප‍්‍රමාණයට වඩා අඩු වීම නිසා අද දිනයේදී ඔවුන් සහභාගී වන තරග වල අවසන් ස්ථානයේ සිට තරග ආරම්භ කිරීමට සිදුවිය.

එස්. එල්. ඒ. කාණ්ඩයේ  (සි. ධා. 1050 දක්වා) නවීකරණය කරන ලද මෝටර් රථ තරගයට සහභාගී වූ කේ. පරමේෂ්වරන්, එස්. එල්. එච්. කාණ්ඩයේ (සි. ධා. 1600 දක්වා) මෝටර් රථ තරගයට සහභාගී වූ අයේෂ් බණ්ඩාර සහ උපුල්වන් සේරසිංහ, එස්. එල්. ජී. ටී. කාණ්ඩයේ (සි. ධා. 3500 දක්වා) මෝටර් රථ තරගයට සහභාගී වූ කපිල ජයසුන්දර සහ චරිත් පෙරේරා එලෙස මෝටර් රථවල බර අඩු වීමේ වරදට හසුවූ රියැදුරෝ වූහ.

කාලය මැනීමේ තරගවල ප‍්‍රතිඵල

එස්. එල්. ජී. ටී. කාණ්ඩයේ (සි. ධා. 3500 දක්වා) මෝටර් රථ තරගය
අශාන් සිල්වා - තත්. 54.367
උෂාන් පෙරේරා - තත්. 54.760
අරවින්ද පේ‍්‍රමදාස - තත්. 55.256

ට‍්‍රක් සහ ජීප් කාණ්ඩයේ විවෘත මෝටර් රථ තරගය
දිනේෂ් ජයවර්ධන - තත්. 58.032
ඉෂ්රාක් වහබ් - තත්. 58.552
සංජය සේදර සෙනරත්- තත්. 59.048

එස්. එල්. එච්. කාණ්ඩයේ (සි. ධා. 2200 දක්වා) සුබාරු මෝටර් රථ තරගය
ටිරෝන් හෙඳවිතාරණ -විනාඩි. 1:00.334
මාලික කුරුවිටාරච්චි - විනාඩි. 1:00.495
මංගල පුෂ්පකුමාර - විනාඩි. 1:03.076

එස්. එල්. එච්. කාණ්ඩයේ (සි. ධා. 1600 දක්වා) මෝටර් රථ තරගය
සජාඞ් සුහේර් - තත්. 58.821
දමිත් වීරසිංහ - තත්. 59.307
සකීර් වහබ් - විනාඩි. 1:01.589

එස්. එල්. එන්. කාණ්ඩයේ (සි. ධා. 1500 දක්වා) ෆෝඞ් ලේසර් / මැස්ඩා මෝටර් රථ තරගය

උපුල්වන් සේරසිංහ - විනාඩි 1:01.346
කුෂාන් පීරිස්- විනාඩි 1:01.524
දුමින්ද ජයසිංහ - විනාඩි 1:03.530

එස්. එල්. එස්. කාණ්ඩයේ (සි. ධා. 1500 දක්වා) විශේෂ මෝටර් රථ තරගය
සකීර් වහබ් - තත්. 56.803
සජාඞ් සුහේර්- තත්. 56.881
කුෂාන් පීරිස් - තත්. 57.800

එස්. එල්. එන්. කාණ්ඩයේ (සි. ධා. 1300 දක්වා) ෆෝඞ් ලේසර් / මැස්ඩා මෝටර් රථ තරගය

කුෂාන් පීරිස් - විනාඩි 1:04.191
තාරුක රත්නායක - විනාඩි 1:04.678
උපුල්වන් සේරසිංහ - විනාඩි 1:04.971

එස්. එල්. ඒ. කාණ්ඩයේ  (සි. ධා. 1050 දක්වා) නවීකරණය කරන ලද මෝටර් රථ තරගය

ඩබ්ලිව්. ඒ. ජී. රංගන - විනාඩි. 1:00.265
අජිත් කීර්ති - විනාඩි. 1:02.751
ඉර්ශාඞ් ෆාහාම් - විනාඩි. 1:03.537