ක‍්‍රීඩා ක්ෂේත‍්‍රයේ 2014 වසරේ දක්ෂතා දැක්වූ ක‍්‍රීඩක ක‍්‍රීඩිකාවන් පුහුණුකරුවන් හා ක‍්‍රීඩා පරිපාලන නිලධාරීන් ඇගයීමට ලක්කෙරෙන සිල්ක් සම්මාන උළෙල හෙට (18) පස්වරු 6.30 ට කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේදී පැවැත්වේ.
ක‍්‍රීඩා ක්ෂේත‍්‍රයේ විවිධ විෂයන් යටතේ ඇගයීමේ සම්මාන 27 ක් ප‍්‍රදානය කිරීමට කටයුතු යොදා තිබේ. මෙම උත්සවයේ ප‍්‍රධාන ආරාධිතයා ලෙස අගමැති රනිල් වික‍්‍රමසිංහ මහතාත් විශේෂ ආරාධිතයා ලෙස ක‍්‍රීඩා ඇමැති නවීන් දිසානායක මහතාත් ආරාධනා ලබා සිටිති. එම අවස්ථාවට හිටපු ක‍්‍රීඩා ඇමතිවරුන් ඇතුළු තවත් මැති ඇමතිවරුන් පිරිසක්ද ආරාධනා ලැබ සිටිති.
මෙම සම්මාන උළෙලේදී ප‍්‍රදානය කෙරෙන සම්මාන අතර කැපී පෙනෙන්නේ සම්මාන ලාභියෙකු එක් වරක් පමණක් ලබන ”සිල්ක්” විශිෂ්ඨතා සම්මානයයි. ඒ සඳහා මෙවර නිර්දේශ වී සිටින්නේ 1996 දී ශ්‍රී ලංකාවට ලෝක ක‍්‍රිකට් කුසලාන දිනා දුන් ශ්‍රී ලංකා කණ්ඩායමේ නායකත්වය දැරූ අර්ජුන රණතුංග හා වසර 2000 සිඞ්නි ඔලිම්පික් උළෙලේදී ලෝකඩ පදක්කමක් දිනූ සුසන්තිකා ජයසිංහයි.
ජාතික ක‍්‍රීඩා සභාවේ සභාපති නිමල් ලෙව්කේ මහතා ඇතුළු ක‍්‍රීඩා ක්ෂේත‍්‍රයේ ප‍්‍රවීණයන් අට දෙනෙකුගෙන් සමන්විත ජූරි සභාවක් විසින් සිල්ක් සම්මාන උළෙලේ සම්මානලාභීන් නිර්දේශ කර තිබේ.
- 223
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
