Last Update  :  2025-04-04 19:00:00 About Contact
Follow Us -
IMG-LOGO
නිවස්න පිටුව Motorsports සැපර්ස් තරගාවලියම අවුල් ජාලයක්

සැපර්ස් තරගාවලියම අවුල් ජාලයක්

ශනුක අරවින්ද - 2015 සැප් මස 24 {{hitsCtrl.values.hits}} Views 0 Comment
A A A

ඇඹිලිපිටිය, තුංකම යුද හමුදා ඉංජිනේරු පාසල් භූමියේදී පැවති ‘සැපර්ස් 4x4 ජිම්පෝ’ තරගාවලියේදී 4x4 සහ මොටෝ්ක්‍රොස් වැනි එකිනෙකට හාත්පසින්ම වෙනස් තරගාවලි දෙකක් එකවර එකම ධාවන පථයක පැවැත්වීමට යාම නිසා සංවිධායකයන්ට ඉන් එක් තරගාවලියක් හෝ නියමිත කාල සීමාවේදී නිසි අයුරින් පවත්වා නිම කිරීමට නොහැකි වූ බවක් දැකගත හැකි විය.

මින් පෙර ‘සැපර්ස් 4x4 ජිම්පෝ’ තරගාවලිවලදී පැවති නවීකරණය නොකළ (ස්ටෑන්ඩඞ්) අංශයේ මෝටර් රථ තරගය මෙවර තරගාවලියෙන් ඉවත් කර තිබූ අතර ඒ වෙනුවට යතුරුපැදි තරග 12 කින් සමන්විත මොටෝක්‍රොස් තරගාවලියක් ඊට එක්කර තිබිණ.

සිවු සක (4x4) මෝටර් රථ තරගාවලිය නියමිත කාල සීමාව තුළදී (පෙරවරු 11.30 වන විට) අවසන් කිරීමට සංවිධායකයෝ අපොහොසත් වීම නිසා එය අතර මැද නවත්වා දමා පෙරවරු 11.30 ට යතුරුපැදි තරගාවලිය ආරම්භ කිරීමට ඔවුහු කටයුතු කළහ.

යතුරුපැදි තරගාවලියේද තරග සැලැස්ම පෙළගස්වා තිබූ ආකාරය සම්බන්ධයෙන් බොහෝ යතුරුපැදිකරුවෝ සංවිධායකයන්ට මැසිවිලි නැගූහ. තරග කිහිපයකට සහභාගී වීමට සූදානමින් සිටි තරගකරුවන්ට පිට පිටම එම තරගවලට සහභාගී වීමට සිදුවන සේ තරග සැලැස්ම පෙළගස්වා තිබීම ඊට හේතුව විය.

මේ හේතුව නිසා බොහෝ කී‍්‍රඩකයන් වෙහෙසට මෙන්ම අපහසුතාවයට පත්ව සිටි අතර ධාවන පථයේ පැවැති දැඩි රළු ස්භාවය නිසා සෑම තරගයකදීම අවම වශයෙන් එක් තරගකරුවකු හෝ ධාවන පථය මත ඇද වැටුණ අයුරු දැක්නට ලැබිණ.

ධාවන පථයේ එක් අන්තයක යතුරුපැදි තරගාවලියේ ජය සංකේත ප‍්‍රදානය සිදුකෙරෙද්දී අතර මැද නතර කළ සිවු සක (4x4) මෝටර් රථ තරගාවලිය නැවතත් ආරම්භ කිරීමට පියවර ගැනීම නිසා යතුරුපැදි තරගාවලියේ ජය සංකේත ප‍්‍රදානයද නිසි අයුරින් නිම කරගැනීමටද නොහැකි විය.

පස්වරු 5.30 පමණ වන විට සවු සක (4x4) මෝටර් රථ තරගාවලිය අවසන් වූ අතර එහි ජයග‍්‍රහකයන් තෝරා ගැනීම සඳහා සංවිධායකයන්ට පැයක පමණ කාලයක් ගතවීම නිසා දැඩි වර්ෂාව මධ්‍යයේ, තරගාවලියට සහභගී වූ මෝටර් රථවල විදුලි බුබුලූ දල්වා ඒවායේ  ආලෝකයෙන් පස්වරු 6.30 ට පමණ එහි ජය සංකේත ප‍්‍රදානය සිදුකිරීමට ඔවුන්ට සිදුවිය.

තරගාවලිය නැරඹීම සඳහා පැමිණ සිටි ආරාධිතයෝ, අනුග‍්‍රාහකයෝ, නරඹන්නන් මෙන්ම තරගාවලිය ආවරණය කිරීමට ගිය මාධ්‍යවේදීහුද මෙවැනි සිදුවීම් නිසා මහත් අපහසුතාවට පත්වූහ.

ඡායාරූප - ශානුක අරවින්ද

 


අදහස් (0)

සැපර්ස් තරගාවලියම අවුල් ජාලයක්

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.