Reply To:
Eranda - cb chds hcdsh cdshcsdchdhd
සංචාරක ශ්රී ලංකා කාන්තා කණ්ඩායම සහ නවසීලන්ත කාන්තා කණ්ඩායම අතර නෙල්සන්හි සැක්ස්ටන් ඕවල් ක්රීඩාංගණයේදී අද (7 වැනිදා) පැවැති පළමු එක්දින ජාත්යන්තර ක්රිකට් තරගයෙන් ලකුණු 78 ක පහසු ජයක් වාර්තා කිරීමට නවසීලන්ත කාන්තා කණ්ඩායම සමත් විය.
ජයග්රහණය සඳහා ලකුණු 246 ක ඉලක්කයක් හඹාගිය ශ්රී ලංකා කාන්තා කණ්ඩායමට හනා රෝව් ප්රමුඛ නවසීලන්ත පන්දු යවන්නියන්ගේ දක්ෂ පන්දු යැවීම හමුවේ ඕවර 46.4 ක් අවසන් වන විට සියලු දෙනා දැවී ලබාගත හැකි වූයේ ලකුණු 167 ක් පමණි.
ශ්රී ලංකා කාන්තා ඉනිමේ වැඩිම ලකුණු ලාභිණිය වූ හර්ෂිතා සමරවික්රම පන්දු 77 කදී හතරේ පහර 4 ක් සමග ලකුණු 59 ක් රැස්කළ අතර කවීෂා දිල්හාරි (25) සමග එක්ව තෙවැනි කඩුල්ල වෙනුවෙන් පන්දු 81 කදී ලකුණු 68 ක සම්බන්ධතාවක්ද ගොඩනැගුවාය.
අගනා පන්දු යැවීමක නිරත වූ හනා රොව් නිලකුණු ඕවරයක්ද සමග ඕවර 10 ක් යවමින් ලකුණු 31 කට කඩුලු 4 ක් බිඳහෙළුෑ අතර ශ්රී ලංකා කාන්තා ඉනිම සුනුවිසුණු කර දැමීම සඳහා ඇයට අනගි සහායක් දුන් ඒඩ්න් කාසන් සහ බී්ර ඉලින් කඩුලු 2 බැගින් දවාගත්හ.
කාසියේ වාසිය දිනා පළමුවෙන් පන්දුවට පහරදුන් නවසීලන්ත කාන්තා කණ්ඩායම ඕවර 50 අවසානයේ කඩුලු 7 ක් දැවී ලකුණු 245 ක් රැස්කළේය. එහිදී දක්ෂ පිතිහරඹයක නිතර වූ මැඩී ග්රීන් හතරේ පහර 7 ක් සමග පන්දු 109 කින් ලකුණු 100 ක් රැස්කිරීමට සමත් වූවාය.
ජෙස් කේර් (38) සමග එක්ව 6 වැනි කඩුල්ල වෙනුවෙන් පන්දු 79 කදී ලකුණු 73 ක සම්බන්ධතාවක් ගොඩනැගූ ග්රීන්, ඉන් නොනැවතී පොලී ඉංග්ලිෂ් (නොදැවී 34) සමග එක්ව 7 වැනි කඩුල්ල වෙනුවෙන් පන්දු 44 කදී ලකුණු 62 ක සම්බන්ධතාවක්ද ගෙඩනගමින් සිය කණ්ඩායමේ ලකුණු සංඛ්යාව ඉහළ දැමුවාය.
නවසීලන්ත කාන්තා පිල - ඕවර 50 කදී කඩුලු 7 කට 245
(ජෝජියා ප්ලිමර් 28, මැඩී ග්රීන් 100, ඉසබෙලා ගාස් 19, ජෙස් කේර් 38, පොලී ඉංග්ලිෂ් නොදැවී 34, චමරි අතපත්තු 42/2)
ශ්රී ලංකා කාන්තා පිල - ඕවර 46.4 කදී සියලු දෙනා දැවී 167
(හර්ෂිතා සමරවික්රම 59, කවීෂා දිල්හරි 25, නිලක්ෂි ද සිල්වා 20, හනා රෝව් 31/4, ඒඩ්න් කාසන් 30/2, බී්ර ඉලින් 45/2)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.