ශ්‍රී ලංකාවේ සත්කාරකත්වයෙන් පළමු වරට පැවැත්වෙන ආසියානු පාසල් ත්‍රෝ - බෝල් ( වයස 18 න් පහළ බාලක/ බාලිකා) තරගාවලිය හෙට (27 වැනිදා) පෙරවරු 9.00 මාතර කොටවිල ක්‍රීඩා සංකීර්ණයේදී ආරම්භ වේ.
සත්කාරක ශ්‍රී ලංකාව ඇතුළුව ඉන්දියාව, පාකිස්තානය සහ මැලේසියාව ද මෙම තරගාවලිය සදහා කණ්ඩායම් සහභාගි කරයි. බාලක හා බාලිකා අවසන් මහ තරග සෙනසුරාදා (29) පස්වරු 2 සිට පැවැත්වීමට නියමිතය. සමාරම්භක උත්සවය හෙට පෙරවරු 9.00 ට ක්‍රීඩා අධ්‍යක්ෂ ජනරාල් මහාචාර්ය ෂේමාල් ප්‍රනාන්දු මහතාගේ ප්‍රධානත්වයෙන් පැවැත්වේ.
තරගාවලිය සදහා ශ්‍රී ලංකා වයස 18 න් පහළ බාලක හා බාලිකා කණ්ඩායම් දෙකක් සූදානම් කර ඇතැයි ආසියානු පාසල් ත්‍රෝ - බෝල් සංගමයේ තරග ලේකම් හා සැළසුම් සම්බන්ධ්කාරක ජානකී සමරතුංග මහත්මිය පැවසූවාය.
සමාප්ත උත්සවය සදහා ආසියානු ත්‍රෝ - බෝල් සම්මේලනයේ සභාපති බංගලාදේශ ජාතික ඉක්බාල් අන්වර් මහතාද ආරාධනා ලබා සිටී.
ආසියානු පාසල් ත්‍රෝ බෝල් සංගමයේ වත්මන් විධායක සභාවේ නිලධාරීන් බහුතරයක් ශ්‍රී ලාංකිකයෝ වෙති. එහිද සභාපතිවරයාා ලෙස ප්‍රසාද් වීරසිරි මහතාත් ලේකම්වරයා ලෙස වරුණ අලහාකෝන් මහතාත් භාණ්ඩාගාරිකවරයා ලෙස ලක්ෂ්මී චන්ද්‍රිකා වික්‍රම මහත්මියත් කටයුතු කරති.
- 223
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
