(කරන්දෙණිය එම්.සුසිල් පියන්ත)
කසකස්ථානයේදී අද (19) නිමාවට පත් වූ ආසියානු යොවුන් චෙස් තරගාවලියේදී රිදී පදක්කමක් දිනා ගැනීමට කොළඹ ආනන්ද විදුහලේ රිත්මිත තෙහස් කිරින්නගොඩ සමත් විය.
තෙහස් වයස 10 න් පහළ බාලක ඉසව්වෙන් රිදී පදක්කම දිනා ගත්තේ තරගාවලියට සහභාගි වූ ආසියානු රටවල් 33ක් චෙස් ක්‍රීඩක ක්‍රීඩිකාවන් 649 දෙනෙකු අතරින් වීම විශේෂත්වයකි.
තෙහස් දෙවැනි වූයේ සත්කාරක කසකස්ථානයේ ක්‍රීඩකයාට පමණි. ඒ ලකුණු භාගයකිනි. මේ තරගයේදී රන් පදක්කම දිනාගත් කසකස්ථාන ක්‍රීඩකයා පැවැති තරග වට නවයෙන් ලකුණු 7.5ක් ලබාගත් අතර තෙහස්ට ලබාගත හැකිවූයේ තරග වට නවයෙන් ලකුණු 7ක් පමණි.
පසුගිය වසරේ(2023) පැවැති ලෝක පාසල් චෙස් තරගාවලියේදී තෙහස් වයස 9න් පහළ රන් පදක්කමද දිනා ගත්තේය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
