.jpg){kind=logo}
සියනෑ කෝරළයේ ප්‍රධානතම පාසල් දෙකක් වන හේනේගම මධ්‍ය විද්‍යාලය සහ වේයන්ගොඩ බණ්ඩාරනායක මධ්‍ය විද්‍යාලය අතර හතරවැනි නීල - හරිත සංග්‍රාමය මේ මස 27 වැනිදා කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩංගණයේදී පැවැත්වේ.
එක්දින තරගයක් වන මෙහිදී ප්‍රමිත් දර්ශන විමලසිරි හේනේගම විද්‍යාල කණ්ඩායම මෙහෙයවයි. වේයන්ගොඩ බණ්ඩාරනායක විදුහල් පිලේ නායකයා ලෙස තුන් ඉරියව් ක්‍රීඩක කළිඳු කවීෂ ගුණවර්ධන කටයුතු කරයි.
හේනේගම මධ්‍ය විද්‍යාලයේ වමත් පිතිකරු සමිත් විජේනායක මෙම තරගවාරයේ ලකුණු 620 ක් රැස්කරමින්, වමත් පාදඟ පන්දු යවමින් කඩුලු 88 ක් ලබාගෙන කණ්ඩායමේ ප්‍රබල තුන්ඉරියව් ක්‍රීඩකයා බවට පත්ව සිටියි. නායක ප්‍රමිත් දර්ශන හා සමිත් විජේනායක මෙවර අන්තර් පාසල් තරගාවලියේදී පිත්තෙන් දස්කම් දක්වා තිබේ.
වේයන්ගොඩ බණ්ඩාරනායක විද්‍යාල පිලට මෙවර තුන් ඉරියව් දස්කම් දක්වන ක්‍රීඩකයින් පස්දෙනෙකු ඇතුළත්ව සිටිති.
නායක කළිඳු කවීෂ පසුගිය ක්‍රිකට් වාරයේදී තරග පහකදී ලකුණු 305 ක් රැස්කිරීමට සමත්ව ඇත. මොවිඳු ලොවිත ලබාගෙන ඇති ලකුණු ප්‍රමාණය 320 කි. නිපුන් සංතුෂ් ලකුණු 280 ක් හා කඩුලු 22 ක්ද, අරණ දාබරේ කඩුලු 25 ක් හා ලකුණු 143ක් ද ලබාගෙන ඇත. ලකුණු 270 ක් හා කඩුලු 14ක් ලබාගෙන අංජන තරංග ද කණ්ඩායමට ශක්තිය ලබාදෙයි.
|
වේයන්ගොඩ බණ්ඩාරනායක මධ්‍ය විද්‍යාල කණ්ඩායම |
|
හේනේගම මධ්‍ය විද්‍යාලය ක්‍රිකට් කණ්ඩායම |
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
