ලෝක චෙස් පදක්කම්ලාභී තෙහස් දිවයිනට

(කටුනායක ටී.කේ.ජී.කපිල)

ග්‍රීසියේ රෝඩ්ස් නුවරදී පැවති ලෝක පාසැල් චෙස් තරගාවලියේදී වයස 09 න් පහළ ඉසව්වෙන් රන් පදක්කම දිනාගත් කොළඹ ආනන්ද විද්‍යාලයේ රිත්මිත තෙහස් කිරින්ගොඩ අද (24) දිවයිනට පැමිණියේය .

මෙම තරගාවලිය සදහා රටවල් 24 ක ක්‍රීඩකයන් 61 දෙනෙකු සහභාගී වී තිබුණි .

ඔහු පිළිගැනීම සඳහා අධ්‍යාපන අමාත්‍යාංශයේ ක්‍රීඩා අධ්‍යක්ෂ උපාලි අමරතුංග , ශ්‍රී ලංකා පාසැල්  චෙස් සංගමයේ සභාපති සේනක සමරතුංග , කොළඹ ආනන්ද විද්‍යාලයේ ප්‍රාථමික අංශයේ සහකාර විදුහල්පති නුවන් ප්‍රියන්ත යන මහත්වරු ඇතුළු දෙමාපියන් සහ සිසු දරුවන් විශාල පිරිසක් කටුනායක ගුවන් තොටුපළ පැමිණීමේ පර්යන්තය වෙත පැමිණ සිටියහ.