ශ්‍රී ලංකා වොලිබෝල් පිල පළමු ජය ලබයි

ඉන්දුනීසියාවේ ජකාර්තා නුවරදී පැවැත්වෙන ආසියානු ක්‍රීඩා උළෙලේ පිරිමි වොලිබෝල් කණ්ඩායම සහභාගීවූ මූලික වටයේ 2 වැනි තරගයේදී වියට්නායමට එරෙහිව තරග වට 3-0 ක ජයක් හිමිකර ගනිමින් ආසියානු ක්‍රීඩා උළෙලකදී ශ්‍රී ලංකා වොලිබෝල් කණ්ඩායමක් ලැබූ පළමු ජය වාර්තා කිරීමට අද (23 වැනිදා) සමත්විය.

පළමු වටය 25-23 ක තියුණු තරගයකින් පසුව ශ්‍රී ලංකා කණ්ඩායම ජය හිමිකරගත් අතර දෙවැනි සහ තෙවැනි වට 25-18 ක් ලෙස පහසුවෙන් ජය ගත්තේය.

තරග 2 කට සහභාගිවී සිටින ශ්‍රී ලංකාව ඉන් එක් තරගයක් ජයගනිමින් ප්‍රසාද ලකුණු සටහනේ දෙවැනි ස්ථානයේ පසුවන අතර අනිද්දා (25 වැනිදා) චීනෙට එරෙහිව පැවැත්වෙන තරගය ජයගැනීමට සමත්වුවහොත් දෙවැනි වටයට සුදුසුකම් ලබාගන්නේය.